Mateo 5:39 - Maung A Balita Biblia

³⁹ Balet ibagak ed sikayo natan: ag kayo ombabawi ed siopaman a nanggaway maoges ed sikayo. No walay manampal ed kawanan ya aping mo, ipatampal mo niy kawigin aping mo.

Maung a Balita Biblia

³⁹ Balet ibagak ed sikayo natan: ag kayo ombabawi ed siopaman a nanggaway maoges ed sikayo. No walay manampal ed kawanan ya aping mo, ipatampal mo niy kawigin aping mo.

Mateo 5:39 Referans Kwoze

1 TESALONICA 5:15

Ag kayo ombabawid saray nanggaway maoges ed sikayo, no ag ingen manggawa kayo lawas na pankaabigay sakey tan sakey ed sikayo tan amin a katoowan.

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.

Probirbio 20:22

Ag ka ombabales ed antokaman a maoges. Diad Katawan ka manmatalek, et tulongan to ka.

Saray Tagleey 3:30

Nepeg ya akoen tayoy amin a panamabaing tan panagkabil dad sikatayo.

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

Probirbio 24:29

Ag mo ikukuan, “Gawaen kod sikato so singa ginawa tod siak! Bayaran to so antokaman a ginawa to!”

Isaias 50:6

Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

1 CORINTO 6:7

Say katwaan to, diad satay pandidimandaan yo, ipapanengneng yoy kakapoyan yo. Ag kasi lalon maung no itepel yo la so pansasaol tan panlalames dad sikayo?

Santiago 5:6

Sinintinsiaan yon nadusa tan pinatey yo ray totoon matonung; ag ira linmaban ed sikayo.

Say Libro nen Job 16:10

Elek-elekan ak na saray totoo; momokuten da ak insan da ak tamtampalen.

Saray Hebreo 12:4

Diad pilalaban yod kasalanan, ag yo ni asali a pinaterter so dala yo.

Lucas 22:64

Pinerengan day abel insan da tinepet, “Ibagam pa no siopay angabil ed sika!”

1 Saray Arari 22:24

Balet inasinggeran nen Sedekias si Micaya, tinampal to, tan kuanto, “Kapigan ya inmekal ed siak so ispiritu na Katawan, insan nansalita ed sika?”

Mikias 5:1

Sikayo ran totood Jerusalem, pantitipon yo ray sondalo yo! Aliktub itayo la! Dodogpaan da ray pangulo na Israel!

Mateo 5:40

No walay mangisegep ed sikad korti, ta labay ton alaey sakey a kawes mo, iter mo ni ingey sananey a kawes mo.

Lucas 6:7

Wala rad may iskriba tan Pariseo a manaanap na ipakasalanan dad kinen Jesus, kanyan siniim da no manambal kasi no Agew na Panagpainawa.

Juan 18:23

Inmebat si Jesus, “No walay imbagak a maoges, ibagam no anto tan. Balet no maung so imbagak, akin et tinampal mo ak?”