Mateo 5:34 - Maung A Balita Biblia

³⁴ Ibagak balet ed sikayo natan: ag kayo mansasamban balut! Ag yo pansasambaay tawen, ta trono na Dios;

Maung a Balita Biblia

³⁴ Ibagak balet ed sikayo natan: ag kayo mansasamban balut! Ag yo pansasambaay tawen, ta trono na Dios;

Mateo 5:34 Referans Kwoze

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy “On” no on, tan “Andi” no andi, pian ag kayo sintinsiaay Dios.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Ecclesiastes 9:2

Anggapoy pandomaan na nagawad sikara, ta say nagawa ed matonung a too nagawa met ed maoges a too; ontan to met ed maung tan makapoy a totoo, diad saray rilihioso tan saray aliwan rilihioso, diad saray mangibabagat tan saray ag mangibabagat. Anggapoy panmaungan na maung a too ed toon makasalanan; anggapoy panmaungan na toon mansamba tan say toon ag mansamba.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Gawgawa 7:49

‘Say tawen so tronok, kuay Katawan, tan say dalin so toonan na saray salik. Anton klasiy abung so ipaalagey yon para siak? Iner a pasen so panayaman ko?