Mateo 5:17 - Maung A Balita Biblia

¹⁷ “Ag yo iisipen a linma ak dian manderal na Ganggan nen Moises tan saray bangat da ray propita. Linma ak dia, aliwan lapud panderal ko, no ag ingen lapud pangipaliwawak tan panumpal kod saraya.

Maung a Balita Biblia

¹⁷ Ag yo iisipen a linma ak dian manderal na Ganggan nen Moises tan saray bangat da ray propita. Linma ak dia, aliwan lapud panderal ko, no ag ingen lapud pangipaliwawak tan panumpal kod saraya.

Mateo 5:17 Referans Kwoze

Saray Taga Roma 10:4

Si Cristo so pansumpalay Ganggan, kanyan siopamay manisiad sikato, napaandi so kasalanan tod arap na Dios.

Lucas 16:17

Balet mainomay nin naandiy tawen tan dalin nen say naandiay kana so sankamelagan a kabyangay Ganggan.

Saray Taga Roma 8:4

Ginaway ya na Dios, pian say matonung a kakaukolay Ganggan et nasumpal ed sikatayon mambibilay onung ed Ispiritu, aliwan onung ed inkatoo tayo.

Saray Taga Roma 3:31

Lapud sayan pananisia, ekalan mi kasiy kakanaan so Ganggan? Andin balut! Itatalindeg mi ingen so Ganggan.

Isaias 42:21

Say Katawan a Dios et mampilalek a mangilaban, kanyan itanduro to ray ganggan tan saray bangat to, tan labay to ya onuren ira na saray totoo to.

Mateo 7:12

“Kanyan gawa yod kapara yon totoo so labay yon gawaen da met ed sikayo. Sikato ya so labay ya ibaga na Ganggan nen Moises; sikato ya met so imbabangat da ray propita.”

Mateo 3:15

Inmebat si Jesus, “Paolyan mon onyay nagawa natan, ta sikato yay nepeg tan gawaen, pian nagawaay amin a kakaukolan na Dios.” Inmabuloy sirin si Juan.

Saray Gawgawa 18:13

“Sayan too,” inkuanda, “aayaten ton mangigalang ed Dios iray totoo diad panangigalang a sumlang ed ganggan.”

Saray Gawgawa 6:13

Imparontal day pigaran tasi a mantilan nipaakar ed sikato. “Sayan too,” inkuanda, “et ag ontotondan mansalitay maoges sumpad masanton Timplo tayo tan say Ganggan nen Moises.

Juan 8:5

Onung ed Ganggan nen Moises nepeg a tupaken iray manggagaway onyan kasalanan anggad ag da ipatey. Antoy kuan mo?”

Saray Gawgawa 21:28

“Kabaleyan,” ineyag da, “tulongan yo kami! Sikato ya may toon nambabangat ed inerman a laen to na sumpad bansay Israel, sumpad Ganggan nen Moises tan sayan Timplo. Angitagar ni na saray Grigo diad dalem na Timplo, kanyan minurmura to yan masanton pasen!”