Mateo 4:9 - Maung A Balita Biblia

⁹ “Iter kod sika ra yan amin,” kuay Diablo, “no ondakmomo ka tan mangigalang kad siak.”

Maung a Balita Biblia

⁹ Iter kod sika ra yan amin, kuay Diablo. No ondakmomo ka tan mangigalang kad siak.

Mateo 4:9 Referans Kwoze

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

Juan 16:11

tan nipaakar ed panagsintinsia, ta asintinsiaan lay manoley ed sayan mundo.

1 Timoteo 3:6

Ag met nayarin agano nin mananisiad Cristo, ta ag la pigan mampaatagey, et nadusan singa say Diablo.

Saray Salmo 72:11

Ondakmomod sikato komun ya amin iray arari; manlingkur ed sikato ray amin a bansa.

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

Juan 14:30

Ag ko la dokeyay pansalitak ed sikayo, ta onsasabi lay manoley ed sayan mundo. Anggapon balut so pakayari tod siak.

Juan 13:3

Amta nen Jesus ya inter na Ama ed sikato so amin a bengatla, tan kabat to met a sikatoy nanlapud Dios tan ompawil ed Dios.

Juan 12:31

Panaon lan nasintinsiaay sankamundoan. Nibantak la natan so manoley na sayan mundo.

Mateo 26:15

tan inkuanto, “Antoy iter yod siak no iyawat koy Jesus ed sikayo?” Imbilangan day talomplon kuartan pilak tan inter dad sikato.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Probirbio 8:15

Tutulongan kon manoley iray arari, tan manggawa na saray ganggan iray walad pakaoley.

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”