Mateo 4:3 - Maung A Balita Biblia

³ Nitan met lay mananukso tan inkuanto, “No sikan talagay Anak na Dios, iganggan mod sarayan bato a magmaliw iran tinapay.”

Maung a Balita Biblia

³ Nitan met lay mananukso tan inkuanto, No sikan talagay Anak na Dios, iganggan mod sarayan bato a magmaliw iran tinapay.

Mateo 4:3 Referans Kwoze

1 TESALONICA 3:5

Kanyan nen ag ko la nitepel imbakik lad tay Timoteo a mangamta ed kipapasey pananisia yo. Ag la pigan atukso ki la na Diablo tan say sagput mid tan et magmaliw ya andi-kakanaan.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Saray Gawgawa 9:20

Linmoob ed saray sinagoga tan nampupulong a tampol na nipaakar ed kinen Jesus. “Sikatoy Anak na Dios,” inkuanto.

Lucas 4:9

Inyakar na Diablo si Jesus ed toktok na Timplod Jerusalem tan inkuanto, “No sikan tuay Anak na Dios, tabuy ka!

Lucas 4:3

Inkuay Diablo ed sikato, “No sikan talagay Anak na Dios, iganggan mod sayan bato a magmaliw a tinapay.”

Mateo 14:33

Inggalang na saramay walad baloto si Jesus tan kuanda, “Tua a sikay Anak na Dios!”

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Mateo 26:63

Balet ag inmesel si Jesus. Inkuanto lamet imay Pangulon Pari, “Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.”

Marcos 1:1

Sikato yay Maung a Balitan nipaakar ed Jesu-Cristo, say Anak na Dios.

Marcos 3:11

Tan kapag si Jesus et nanengneng na saramay totoon inaaponan na maoges iran ispiritu, ondapa rad saliyan to tan iyingaingal da, “Sika so Anak na Dios!”

Marcos 5:7

insan to iningaingal, “Jesus, Anak na Sankatageyan a Dios, antoy pibabalim ed siak? Diad ngaray Dios, ipangasim ta ag mo ak papairapen!”

Lucas 1:35

“Onlad sikay Ispiritu Santo,” ebat na anghil, “tan tarungan kay pakapanyariy Sankatageyan a Dios. Kanyan natawag ya Anak na Dios so masanton ogaw ya iyanak mo.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, “Sikay Anak na Dios!” Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Lucas 22:70

Inkuandan amin, “Labay mon ibaga, sirin, sikay Anak na Dios?” Inmebat, “Sikayo lan dili so mangibabaga.”

Juan 1:34

Anengneng ko ya tan papaneknekan kod sikayo a sikatoy Anak na Dios.”

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Juan 9:35

Akabatan nen Jesus a pinapaway da may laki. Arumog to tan kuanto, “Manisia kad Anak na Too?”

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

2 CORINTO 1:19

Ta say Anak na Dios a si Jesu-Cristo ya impulong mi di Silvano tan Timoteo et aliwan “On” natan et kabebekta “Andi,” no ag ingen sikatoy “On” na Dios,

TAGA GALACIA 2:20

Inatey ak la a kaiba nen Cristo a nipasak ed krus, kanyan aliwa lan siak a dili so mambibilay, no ag ingen si Cristo so mambibilay ed siak. Mambibilay ak natan ed sayan mundo diad panamegley na pananisiak ed Anak na Dios ya angarod siak tan angibagat na bilay to lapud siak.

Saray Hebreo 4:14

Kanyan pabiskegen tayo lawas so pananisia tayo, ta walay matalonggaring a Pangulon Pari tayo a linmoob ed kawalaay Dios—si Jesus ya Anak na Dios.

Saray Hebreo 7:3

Anggapoy nisulat nipaakar ed ama o ina to, o nipaakar ed nanlapwan ton boleg. Anggapo met so nisulat nipaakar ed inkianak o impatey to. Singa say Anak na Dios, mansiansian pari ya anggad angga.

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.