Mateo 28:10 - Maung A Balita Biblia

¹⁰ Inkuanen Jesus ed sikara, “Ag kayo natatakot. Laka yo tan ibaga yod saray agagik ya onla rad Galilea, tan diman da ak nanengneng.”

Maung a Balita Biblia

¹⁰ Inkuanen Jesus ed sikara, Ag kayo natatakot. Laka yo tan ibaga yod saray agagik ya onla rad Galilea, tan diman da ak nanengneng.

Mateo 28:10 Referans Kwoze

Saray Taga Roma 8:29

Saray pinili na Dios a kayaryan ton nanlapud gapo et inggana to ran miolibay ed Anak to, pian say Anak so magmaliw a pangulowad saray amayamay a sanaagi.

Juan 20:17

“Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

Mateo 28:7

Ganatan yo lay onla tan ibaga yod saray disipulo to, ‘Inmolid bilay si Jesus tan onona nen sikayo ya onlad Galilea. Diman yo nanengneng!’ Tandaan yoy imbagak ed sikayo.”

Marcos 16:7

Laka yod kinen Pedro tan saray arum a disipulo tan ikuanyo: ‘Onona nen sikayo si Jesus ya onlad Galilea tan diman yo nanengneng, onung na imbaga tod sikayo!”

Mateo 28:5

Akisalita may anghil diad saramay bibii, “Ag kayo natatakot. Kabat kon aanapen yoy Jesus ya impasak ed krus.

Mateo 14:27

Balet tampol ya inkuantod sikara, “Pakpel yoy loob yo, ta siak ya. Ag kayo natatakot!”

Juan 6:20

Balet inkuanen Jesus ed sikara. “Ag kayo natatakot; siak si Jesus!”

Mateo 25:45

Onebat so Ari ed sikara, ‘Kuankod sikayo: nen ag yo tinulongan so sakey a sankamelagan ed saraya, ag yo ak tinulongan.’

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Mateo 26:32

Balet kayari na iyolik ed bilay, onaan ta kayon onlad Galilea.”

Mateo 28:9

Kabebekta inabet nen Jesus ira tan inkuanto, “Say kareenan komuy walad sikayo!” Sinmingger irad sikato, inegnaan da ray sali to tan inggalang da.

Mateo 28:16

Linma ra may labinsakey a disipulo ed Galilea, diad palandey ya imbilin nen Jesus a laen da.