Mateo 27:66 - Maung A Balita Biblia

⁶⁶ Linma rad angipomponan, minarkaan da may baton insara pian ag da panduaruwaan ya anggapoy mandiwit, tan intilak da may guardia a mambantay.

Maung a Balita Biblia

⁶⁶ Linma rad angipomponan, minarkaan da may baton insara pian ag da panduaruwaan ya anggapoy mandiwit, tan intilak da may guardia a mambantay.

Mateo 27:66 Referans Kwoze

Daniel 6:17

Niiyan ed samay sangab na abut so baleg a bato tan say ari intimbri tod samay bato so dilin timbri to tan say timbri na saramay manonan opisyal to, pian anggapoy makapangyagel ed kinen Daniel.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Mateo 28:2

Biglan yinmegyeg na maksil. Linmeksab a nanlapud tawen so sakey ya anghil, insan to intolin imay insaran bato, tan niyorungan to.

Mateo 27:60

insan to insorub ed lobuk ton dili, ya agano nin inyongib tod bato. Kasumpal to ya, angitolin na baton baleg ya insara tod puirta, insan la linma.

Mateo 28:11

Kasiput da ra may bibii, pigarad saramay sondalon nambantay na lobuk so pinmawil ed siudad, tan imbaga rad saray manonan papari iray amin ya agawa.

Mateo 27:65

“Mangawit kayoy guardia sirin,” kuanen Pilato ed sikara, “tan pabantayan yon malet imay lobuk.”

Marcos 16:4

(Agaylay kabaleg to may bato.) Balet nen ontangwa ra anengneng dan nitolin la.

Juan 20:1

Kabkabwasay Simba, nen ambilonget ni, linma lad lobuk si Maria Magdalena. Anengneng ton nakal lay baton akasarad sangab na lobuk.

Puyan 20:3

Insan to imbantak ed abut ya ag natokur, intalak toy puirta tan minarkaan to na timbri, pian samay dragon et ag to la napalikdo ray bansa ya anggad kasumpal na sanlibon taon. Kasumpal na sanliboy taon, sikatoy nepeg a papawayen a magano.

Josue 10:18

Inkuanto, “Mangitolin kayo na ankakabaleg a bato ed sangab na ongib. Mangyan kayo na pigaran guardia,