Mateo 27:63 - Maung A Balita Biblia

⁶³ Inkuanda, “Nanunotan mi a nen mabilay ni man a matilan too inkuanto, ‘Onoli ak ed bilay kasumpal na taloy agew.’

Maung a Balita Biblia

⁶³ Inkuanda, Nanunotan mi a nen mabilay ni man a matilan too inkuanto, Onoli ak ed bilay kasumpal na taloy agew.

Mateo 27:63 Referans Kwoze

Lucas 9:22

Inkuanto nid sikara, “Nepeg a manirap a maung so Anak na Too. Ag awaten na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.”

Mateo 16:21

Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Juan 2:19

Inmebat si Jesus, “Igeba yo yan Timploy Dios, insan ko ipaalagey ed loob na taloy agew.”

Lucas 18:33

Lewet-leweten da, insan da pateyen, balet onolid bilay diad kumatlon agew.”

Marcos 10:34

Ludlureyen, luklukdaan, lewetleweten, tan pateyen da. Balet onolid bilay kasumpal na taloy agew.”

Marcos 8:31

Nanlapud saman, impakabat nen Jesus ed saray disipulo to a say Anak na Too et nepeg a manirap a maung; ag awaten na saray mamatakken na baley, saray manonan papari, tan saray iskriba; papatey da ni, balet onolid bilay kasumpal na taloy agew.

Mateo 20:19

insan da ipalima ed saray Hintil. Ludlureyen da, lewet-leweten da, insan da ipasak ed krus. Balet onolid bilay diad kumatlon agew.”

Mateo 17:23

Pateyen da, balet onolid bilay diad kumatlon agew.” Naermenan ed satan iray disipulo.

Mateo 26:61

tan inkuanda, “Inkuanto yan too, ‘Sarag kon gebaen so Timplo na Dios, insan ko ipaalagey ed loob na taloy agew.’”

2 CORINTO 6:8

Asalsali miy pinapagalangan tan pinapabaingan, pinapaabeba tan pinapaatagey. Nipasen kamin matila, balet katwaay sasalitaen mi.

Juan 7:12

Dakel so iyeesaes na saray totoon nipaakar ed sikato. “Maung a too,” kuan na saray arum, balet wala ray mangibabaga, “Andi, ta ibabalang to ray totoo.”

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Juan 7:47

“Pati sikayoy atilaan to met sirin?” tinepet na saray Pariseo.

Mateo 27:64

Kanyan pabantayan mo pan maung imay angipomponan ed sikato ya anggad kumatlon agew, ta ag la pigan takewen na saray disipulo toy bangkay to. Insan dad satan ibagbagad saray totoo, ‘Inmolid bilay!’ Magmaliw a lalon maoges ni yan tila nen say inmona.”

Mateo 28:6

Andi dia, ta inmoli lad bilay, onung na imbaga to. Singger kayo tan nengneng yoy pasen a dinokulan to.

Marcos 9:31

lapud ibabangat tod saray disipulo to, “Niawat so Anak na Too ed lima da ray totoon mamatey ed sikato, balet onolid bilay kayariy taloy agew.”

Lucas 18:31

Imbiig nen Jesus iray labinduan disipulo tan inkuantod sikara, “Tandaan yo ya! Oonla tayod Jerusalem a diman nagaway amin ya insulat da ray propita nipaakar ed Anak na Too.