Mateo 27:62 - Maung A Balita Biblia

⁶² Kaimbuas, salantiy say agew a kasumpal na Panagparaan, saray manonan papari tan saray Pariseo nantitipon iran akitongtong ed kinen Pilato.

Maung a Balita Biblia

⁶² Kaimbuas, salantiy say agew a kasumpal na Panagparaan, saray manonan papari tan saray Pariseo nantitipon iran akitongtong ed kinen Pilato.

Mateo 27:62 Referans Kwoze

Marcos 15:42

Onlalabi la nen sinmabiy Jose a taga Arimatea. Sikatoy sakey ed saray gagalangen a kabyangay Sanidrin, tan mampipilalek ed isabi na Panariay Dios. Agew ed saman a Panagparaan (salanti say agew na kasakbayan na Agew na Panagpainawa), kanyan linman mataletalek si Jose ed kinen Pilato tan kinerew ton alaen so bangkay nen Jesus.

Juan 19:14

Agew na Panagparaay Paskua ed saman, tan ngalngali lan alas dosi ed kaagewan. Inkuanen Pilato ed saray Judio, “Niay ari yo!”

Juan 19:42

Lapud diad saman et Agew na Panagpainawa da ray Judio, tan asingger met yan lobuk, diman da la impompon si Jesus.

Juan 19:31

Agew na Biarnes ed saman, et ag labay na saray Judio a natilak so bangkay ed tagey na krus no Agew na Panagpainawa, ta masanto yan agew ed sikara. Kanyan kinerew dad kinen Pilato ya iyabuloy ton poteren da ray bikking da ra may impasak ed krus, tan iyepas da ra.

Mateo 26:17

Diad ononan agew na Pistay Tinapay ya Anggapoy Libadura, linma ray disipulo ed kinen Jesus tan tinepet da, “Iner so labay mon pangiparaanan miy panganan moy Paskua?”