Mateo 27:52 - Maung A Balita Biblia

⁵² alokasan iray lobuk, tan amayamay ya inaatey lan totooy Dios so apaolid bilay.

Maung a Balita Biblia

⁵² alokasan iray lobuk, tan amayamay ya inaatey lan totooy Dios so apaolid bilay.

Mateo 27:52 Referans Kwoze

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

1 TESALONICA 4:14

Manisia tayon inatey tan inmolid bilay si Jesus. Ontan met sirin a manisia tayon say Dios awiten ton kaiba nen Jesus iray inaatey a mananisiad sikato.

1 CORINTO 15:20

Balet say katwaan et naolid bilay si Cristo a pamaneknek a naolid bilay iray inaatey.

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

Isaias 25:8

Deralen Katawan a Dios ed ando lan ando so patey! Ponasen toy lua ed kamataan na balang sakey a too tan ekalen to so kababaingan ya inkaplagan na saray totoo to diad intiron mundo. Say Katawan a dili so nansalita.

1 TESALONICA 5:10

ya inatey para sikatayo pian nakaiba tayo, inatey man o mabilay itayo.

1 CORINTO 15:51

Dengel kayod sayay niamut a katwaan ya ibagak: ag itayo ompatey ya amin, balet naoman itayon amin,

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.

1 CORINTO 11:30

Sikato yay makasengeg no akin et dakel ed sikayo ray makapoy tan mansasakit, tan amayamay lay inatey.

Saray Gawgawa 7:60

Tinmalimukor tan ineyag toy makmaksil, “Katawan, ag mo pa la ipapakasalanan ed sikara yan ginawa ra!” Kapangibaga tod saya, inatey.

2 Saray Arari 13:21

Aminsan ya agew, legan na sakey a tolur, sakey ed saramay olup na Moabita so anengneng, et saray mangitotolur imbantak dad lobuk nen Eliseo so bangkay, insan ira batik. Kadiwit na samay bangkay ed saray pokel nen Eliseo, abilay imay too, insan inmalagey.

Juan 11:11

Kapangibaga nen Jesus ed saya, inarum ton inkuan, “Nanaogip si kaaro tin Lazaro. Onla ak ta bangonen ko.”