Mateo 27:42 - Maung A Balita Biblia

⁴² “Inlaban to ray arum, balet ag to nilaban so laman ton dili! Ha! Aliwa tan sikatoy Ari na Israel? Onepas pa natan ed krus, et panisiaan mi la!

Maung a Balita Biblia

⁴² Inlaban to ray arum, balet ag to nilaban so laman ton dili! Ha! Aliwa tan sikatoy Ari na Israel? Onepas pa natan ed krus, et panisiaan mi la!

Mateo 27:42 Referans Kwoze

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Mateo 27:37

Insulat dad olowan to may impakasalanan dad sikato: “Sikato yay Jesus ya Ari da ray Judio.”

Saray Gawgawa 4:14

Balet anggapoy niebat da, ta sankanengneng da may toon inmabig a kaiba ran manalalagey di Pedro tan Juan.

Juan 12:47

Ag ko sintinsiaay toon makadngel na saray salitak ya ag to ra lamlamang onuren. Ta linma ak dian mangilaban, aliwan manintinsiad sankamundoan.

Juan 12:13

Kanyan angala ray sanga-sangay kiew a palma tan inabet dad paway na siudad. Ineeyag da, “Hosanna! Bindisionan komuy Dios so onla dia ed ngaray Katawan! Bindisionan na Dios komun so Ari na Israel!”

Juan 9:24

Kanyan impatawag da lamet imay toon nianak a bulag tan kuanda, “Pagalangan moy Dios diad pangibagam na katwaan! Amta min makasalanan iman a too.”

Lucas 19:38

“Bindisionan komuy Dios so arin onsasabid ngaray Katawan! Kareenan ed tawen! Galang ed Dios!”

Mateo 2:2

Nantepet-tepet ira, “Iner so kawalaay nianak ya ari da ray Judio? Anengneng mi so bitewen ton linmetaw ed bokig, kanyan linma kami dian mangigalang ed sikato.”

Mateo 27:40

Inkuanda, “Aha, aliwa tan sika may maneral na Timplo, insan mo ipaalagey ed loob na taloy agew? Ilaban moy laman mon dili, no tuan sikay Anak na Dios! Epas kad tan ed krus!”

Mateo 27:41

Ontan met, niludlurey na saray manonan papari, saray iskriba, tan saray mamatakken na baley. Inkuanda,

Marcos 15:31

Ontan met, niludlurey na saray manonan papari tan saray iskriba. Inkuandad sakey tan sakey, “Inlaban to ray arum, balet ag to nilaban so laman ton dili!

Marcos 15:32

Onepas pa natan ed krus so Cristo ya ari na Israel, pian nanengneng mi tan panisiaan mi la!” Niludlurey met na saramay duaran nipasak ed krus, a singa sikato.

Lucas 23:35

Manalalagey iray totood man tan bambantayan day Jesus; balet saramay opisyal na baley niludlurey da. Inkuanda, “Inlaban to ray arum. Ilaban to met komuy laman ton dili, no tuan sikatoy Cristo a piniliy Dios!”

Lucas 23:37

tan inkuanda, “Ilaban moy sikan dili, no tuan sikay ari da ray Judio!”