Mateo 27:32 - Maung A Balita Biblia

³² Nen ompapaway ira, nabet day sakey a lakin taga Cirene a manngaray Simon, tan pinasoot dan impasakbat ed sikatoy krus nen Jesus.

Maung a Balita Biblia

³² Nen ompapaway ira, nabet day sakey a lakin taga Cirene a manngaray Simon, tan pinasoot dan impasakbat ed sikatoy krus nen Jesus.

Mateo 27:32 Referans Kwoze

Marcos 15:21

Nabet dad dalan so sakey a lakin manngaray Simon, a nanlapud bario ya oonlad siudad, tan pinasoot dan impasakbat ed sikatoy krus nen Jesus. Si Simon taga Cirene tan ama di Alejandro tan Rufo.

Lucas 23:26

Nen iyaakar dan ipasak ed krus si Jesus, nabet day sakey a lakin nanlapud bario. Taga Cirene yan too, tan manngaray Simon. Sinabat da, tan impasakbat day krus ed sikato, insan da pinatombuk ed kinen Jesus.

Mateo 16:24

Inkuanen Jesus ed saray disipulo to, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Saray Gawgawa 6:9

Balet, sinumlang na pigaran kabyangay sinagoga a tatawagen iray Nablus a Totoo. Wala ray Judio ed sikara a taga Cirene tan Alejandria. Saraya tan saray arum a Judio a taga Cilicia tan Asia et akisangsangan irad kinen Esteban.

Saray Gawgawa 2:10

taga Frigia tan Pamfilia, taga Egipto tan saray pasen ed Libia a nasasakopay Cirene, taga Roma ray arum ed sikatayo: saray Judio tan saray Hintil a naayat ed Judaismo.

Saray Gawgawa 13:1

Wala ray propita tan mamaistro ed iglisiay Antiokia, a singa di Bernabe, Simeon ya apangaranay Negro, Lucio a taga Cirene, Manaen a kaogawan nen Herodes a gobirnador, tan Saulo.

Saray Gawgawa 11:20

Balet wala ray pigaran mananisian taga Chipre tan Cirene ya akasabid Antiokia tan impupulong day Maung a Balitan nipaakar ed Katawan a Jesus ed anggan saray Hintil.

Juan 19:17

tan pinmaway a sankasakbat toy krus to a mamaarap ed pasen a tatawagey “Pasen na Lapis-lapis na Olo.” (Diad salitay Hebreo, tatawagey “Golgota.”)

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

Levitico 4:12

insan to iyakar iran amin ed paway na kampo diad pasen a malinis onung ed ganggan a diay bantakay dapol. Diman to ra poolan ed sakey a bunton na kiew.

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

Levitico 4:21

Insan to iyakar ed paway na kampo so baka tan poolan to a singa pamool tod bakan kalakyan a nibagat a para kasalanan to. Sikato ya so bagat a mangekal na kasalanan na katoowan.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Saray Gawgawa 7:58

Inggayugoy dad paway na siudad, insan da tinutupak. Saray tasi nilalakseb da ray kolibemben a kawes da, tan intitilak dad sakey a lakin tobun-balo a manngaray Saulo.

Mateo 5:41

No walay mamasoot ed sikan mila kay sakey a kilomitro, mila kad sikato na sakey ni a kilomitro.