Mateo 27:30 - Maung A Balita Biblia

³⁰ Nilulukdaan da, inala ra may bislak tan impapaspas dad olo to.

Maung a Balita Biblia

³⁰ Nilulukdaan da, inala ra may bislak tan impapaspas dad olo to.

Mateo 27:30 Referans Kwoze

Isaias 50:6

Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Mateo 26:67

Insan da niluklukdaay lupa to, tan kinakabil da. Inkuanda ray nantatampal ed sikato.

Marcos 15:19

Pinapaspas day olo to tan nilulukdaan da, insan ira nantatalimukor a mangigalang ed sikato.

Isaias 53:7

“Mapalaloy inkairapan to, balet sipapaabeban nantepel; ag ton balut nambalikas na anggan sakey a salita. Aliling toy sakey a kordiron magano lan patasen, singa sakey a karniron magano lan katliay bago, ag ton balut nambalikas na anggan sakey a salita.

Mikias 5:1

Sikayo ran totood Jerusalem, pantitipon yo ray sondalo yo! Aliktub itayo la! Dodogpaan da ray pangulo na Israel!

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Isaias 52:14

Amayamay iray atalagnaw nen anengneng day aripen ko; asugat-sugat so intiron laman to kanyan singa aliwa lan tooy nengneng to.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Marcos 10:34

Ludlureyen, luklukdaan, lewetleweten, tan pateyen da. Balet onolid bilay kasumpal na taloy agew.”

Marcos 14:65

Ginapoan na saray arum a nilulukdaan si Jesus tan pinerengan da. Kinakabil da tan kuanda, “Ibagam pa no siopay angabil ed sika?” Inala na saray guardia, insan da met tinatampal.