Mateo 27:24 - Maung A Balita Biblia

²⁴ Nen alikas nen Pilato ya anggapoy nagawaan to tan onggagapo lay golo, amaalay danum tan nanoras na lima tod arap na totoo. Inkuanto, “Anggapoy kasalanan ko ed ipatey na sayan too! Makaoley kayo!”

Maung a Balita Biblia

²⁴ Nen alikas nen Pilato ya anggapoy nagawaan to tan onggagapo lay golo, amaalay danum tan nanoras na lima tod arap na totoo. Inkuanto, Anggapoy kasalanan ko ed ipatey na sayan too! Makaoley kayo!

Mateo 27:24 Referans Kwoze

Mateo 27:4

“Nankasalanan ak, ta inyawat kon papatey so toon anggapoy kasalanan!” inkuanto. “Antoy pibabalian mi? Sikay akaoley ed satan!” inebat da.

Saray Salmo 26:6

Katawan, oorasan ko ray limak a pangipanengneng kon anggapoy kasalanan ko, tan liliberen koy altar mo diad pangigagalang kod sika.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

Mateo 26:5

“Balet ag tayo pateyen legan na pista, ta ag la pigan manggolo ray totoo,” inkuanda.

Saray Gawgawa 3:14

Impolisay yo so Masanto tan Matonung tan say managpatey na too la laingen so kinerew yon nibolus.

Juan 19:4

Pinmaway lamet si Pilato tan kuantod karaklan, “Iyarap ko yan too ed sikayo, pian naamtaan yon anggapoy narumog kon kasalanan to.”

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, “Tuan sikatoy Anak na Dios!”

Mateo 27:9

Tinmua sirin so inkuanen propita Jeremias, “Inala ray talomplon kuartan pilak (sikato yay nampapaknaan da ray Israelitan bili na bilay to),

Jeremias 2:35

kuanmo, ‘Anggapoy kasalanan ko; andi-saew ya ag la mamapasnuk so Katawan ed siak.’ Balet siak, say Katawan, dusaen ta ka lapud ag mo birbiren a nankasalanan ka.

Jeremias 2:27

Nabaingan kayo, sikayon mangibabaga ya ama yoy sakey a kiew tan ina yoy sakey a baton-dampay. Nagawa ya, lapud imbatikan yo ak anta siak komuy singgeran yo. Balet no wala kayod gunigon, kerewen yon asinggeran ta kayon ilaban.

Mateo 27:19

Aliwan satan labat. Nen wadman ya akayorung si Pilato ed panagsintinsiaan, impaibaga na asawa to, “Ag ka mibabalid satan a toon anggapoy kasalanan, ta diad kugip ko kalabyan nairapan ak a maung lapud sikato.”

Mateo 27:23

Tinepet nen Pilato, “Akin, antoy ginawa ton maoges?” Balet lalon inkasikasil dan ineyag, “Paipasak mod krus!”

Juan 13:9

Inmebat si Simon Pedro, “Katawan, aliwan saray salik labat sirin, no ag ingen pati saray limak tan say olok!”