Mateo 26:69 - Maung A Balita Biblia

⁶⁹ Wadman nin manyodyorung ed solar si Pedro nen inasinggeray bii a sakey ed saray katulong na Pangulon Pari tan inkuanto, “Kaiba ka met nen Jesus a taga Galilea.”

Maung a Balita Biblia

⁶⁹ Wadman nin manyodyorung ed solar si Pedro nen inasinggeray bii a sakey ed saray katulong na Pangulon Pari tan inkuanto, Kaiba ka met nen Jesus a taga Galilea.

Mateo 26:69 Referans Kwoze

Mateo 26:71

Insan linmad puirtay solar. Naimano met diman na sananey a biin katulong, tan kuantod saramay lalakin wadman, “Akilkila met yan too ed kinen Jesus a taga Nazaret.”

1 Saray Arari 19:13

Nen nadngel nen Elias insakbung tod lupa toy kolibemben to, pinmaway tan nanalagey ed wangalay ongib. Inkuan ed sikato na samay bosis, “Elias, antoy gagawaen mo dia?”

Saray Gawgawa 5:37

Kasumpal to, linmetaw met si Judas a taga Galilea, nen panaoy panagpalista. Amayamay met iray naayat ton totoo. Balet nen pinatey day Judas, abuybuyak met lamlamang ya amin iray totoo to.

Juan 7:52

Inmebat ira, “Taga Galilea ka met sirin? Manaral ka pay Masanton Sulat, pian narumog mo ya anggapoy propitan manlapud Galilea.”

Juan 7:41

Saray arum balet kuanda, “Sikatoy Cristo!” Inkuan ni na saray pigara, “Manlapu inged Galilea so Cristo?

Juan 1:46

“Wala tay kamaungan a manlapud Nazaret?” tepet nen Nataniel. “Gala, ta nengneng mo,” ebat nen Felipe.

Mateo 26:58

Tinmombuk si Pedro ed kinen Jesus, balet walad bandad arawi. Tinmuloy ya anggad solar na Pangulon Pari tan inmirung diman a kaiba to ray guardia, pian naimatunan toy kasumpalan.

Mateo 26:3

Saray manonan papari tan saray mamatakken na baley nantitipon irad palasio nen Caifas, a Pangulon Pari.

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Saray Salmo 1:1

Maliket so toon ag ontotombuk ed simbawa da ray totoon maoges, ag to aaligey kagagawa da ray totoon makasalanan, tan ag mikakasakey ed saray totoon managbalaw na kamaungan.

1 Saray Arari 19:9

Nampalabas diman na labi ed dalem na sakey ya ongib. Kabebekta akisalitad sikato so Katawan, “Elias, antoy gagawaen mo dia?”

Mateo 26:70

Balet imbori nen Pedro ed arap day amin a wadman. Inkuanto, “Ag ko amta tay ibabagam.”