Mateo 26:53 - Maung A Balita Biblia

⁵³ Ag mo ta amtan nayarian koy onkerew na tulong ed Amak, tan mangibakin tampol dia na masoluk a labinduan batalyon na anghil?

Maung a Balita Biblia

⁵³ Ag mo ta amtan nayarian koy onkerew na tulong ed Amak, tan mangibakin tampol dia na masoluk a labinduan batalyon na anghil?

Mateo 26:53 Referans Kwoze

Mateo 4:11

Tinmaynan sirin imay Diablo, tan sinmabi ray anghil a nanlingkur ed kinen Jesus.

2 Saray Arari 6:17

Insan nampikasi, “O Katawan, lokasan mo pay mata to, pian nanengneng to!” Inebatan na Katawan so pikakasi to; ninmengneng imay aripen nen Eliseo, et anengneng toy gilig na palandey a napnoy kabayo tan karwahin apoy ya akapaliber iran amin ed kinen Eliseo.

Lucas 8:30

Tinepet nen Jesus ed sikato, “Antoy ngaran mo?” “Amayamay,” ebat to, ta dakerakel a dimonyoy inmapon ed sikato.

Daniel 7:10

tan panlalapwan na managagos ya apoy. Libo-libon totooy wadman a manlilingkur ed sikato, tan manalalagey ed arap to iray milyon a totoo. Ginmapo la so bista, tan alokasan iray libro.

Judas 1:14

Sikaray labay ya ibaga nen Enoc, a kabyangay kumapiton kailalakan a nanlapud si Adan, nen nampropisiya, “Nengneng yo! Onsabiy Katawan a kaiba to ray libo-libon masanton anghil to,

2 TESALONICA 1:7

Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Marcos 5:9

Tinepet nen Jesus, “Antoy ngaran mo?” “Say ngaran ko ‘Amayamay,’ ta dakel kami,” inkuanto.

Marcos 5:15

Kaasingger dad kinen Jesus, anengneng da may lakin inaponan nen saman na saray dimonyo. Wadman a manyodyorung, akakawes la, tan duga lay kalakal to. Diad impakanengneng da, ataktakot ira.

Juan 10:18

Anggapoy makaekal na bilay ko, balet isaklang kon manlapud siak a dili so bilay ko. Walay pakayarik a mangiter tan mamawiy bilay ko. Ingganggan nen Amak yan gawaen ko.”

Juan 18:36

Inmebat si Jesus, “Aliwan diad sayan mundo so kawalaay panarian ko. No diad sayan mundo so kawalaay panarian ko, akilaban ira komuy totook, pian ag ak nipalimad saray Judio. Balet, aliwan diad sayan mundo so kawalaay panarian ko!”