Mateo 26:18 - Maung A Balita Biblia

¹⁸ Inmebat si Jesus, “Laka yod sakey a toon wadman ed siudad tan ikuanyod sikaton ibabagay Maistro: ‘Asingger lay oras ko. Diad abung moy pamaskuan ko tan saray disipulok.’”

Maung a Balita Biblia

¹⁸ Inmebat si Jesus, Laka yod sakey a toon wadman ed siudad tan ikuanyod sikaton ibabagay Maistro: Asingger lay oras ko. Diad abung moy pamaskuan ko tan saray disipulok.

Mateo 26:18 Referans Kwoze

Juan 7:6

Inkuanen Jesus ed sikara, “Ag ni sinmabiy oras ko. Maung ed sikayo ta nayariy amin a panaon.

Juan 17:1

Nen asumpal nen Jesus ya imbaga ra ya, tinmangay ed tawen tan kuanto, “Ama, sinmabi lay oras. Pagalangan moy Anak mo, pian napagalangan ka met na Anak.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 7:30

Inanap da sirin ya erelen, balet anggapoy aningkat ed sikato lapud ag ni sinmabiy oras to.

Juan 7:8

Onla ki lan mipista. Ag ak ni onla, ta ag ni sinmabiy oras ko.”

Juan 12:23

Inmebat si Jesus ed sikara, “Sinmabi lay oras a napagalangay Anak na Too.

Lucas 22:53

Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.”

Juan 11:28

Kapangibaga nen Marta ed saya, pinmawil ed abung. Tinawag toy agi ton Maria tan inyesaes to, “Wadya lay Maistro; patatawag to ka.”

Marcos 5:35

Mansasalita niy Jesus nen pigaran totooy sinmabi a nanlapud abung nen Jairo. “Inatey lay anak mo,” kuanda, “akin et aabalaen mo niy Maistro?”

Mateo 26:2

“Amta yo a duay agew ni, insan Pista na Paskua la. Diad satan niawat ya ipasak ed krus so Anak na Too.”

Mateo 23:10

Ag kayo met patatawag na ‘Pangulo,’ ta saksakey so Pangulo yo a si Cristo.

Mateo 23:8

Sikayo, balet, ag kayo patatawag na ‘Maistro,’ ta saksakey so Maistro yo tan sanaagi kayon amin.

Mateo 21:3

No walay mangibagay bangatlad sikayo, ikuanyon nakaukolan ira na Katawan, et iter to ran tampol.”

Juan 20:16

Inkuanen Jesus ed sikato, “Maria!” Inarap to tan kuantod salitay Hebreo, “Raboni!” (“Maistro” so labay ton ibaga ya.)

Mateo 26:49

Kasabi nen Judas, dinago ton tampol si Jesus tan inkuanto, “Say kareenay walad sika komun, Maistro,” insan to inanguban.

Mateo 26:19

Inonur da ra may disipulo so ganggan nen Jesus, tan imparaan day Pandem na Paskua.