Mateo 25:8 - Maung A Balita Biblia

⁸ Inkuanda ra may kulang na kalakal ed saramay makalakal, ‘Itdan yo kami pay larak yo, ta nanaerep la ray lamparaan mi.’

Maung a Balita Biblia

⁸ Inkuanda ra may kulang na kalakal ed saramay makalakal. Itdan yo kami pay larak yo, ta nanaerep la ray lamparaan mi.

Mateo 25:8 Referans Kwoze

Lucas 12:35

“Nakaukolan a sipaparaan kayo, ya akalislis iray kawes yo tan mandardarlang iray lamparaan yo,

Probirbio 13:9

Saray totoon matonung aliling day silew a marmarlang; saray totoon maoges aliling day makuykuyep a lamparaan.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.

Lucas 16:24

Inkuanton iningal, ‘Ama Abraham, kasian mo ak pa! Ibakim pay Lazaro ya idelnet toy ngoroy tamoro tod danum ta pabtelan toy dilak, ta agaylay paniirap kod sayan apoy!’

Lucas 8:18

“Kanyan asikaso yoy karerengel yo. Ta say toon wala lay bengatlad sikato, naaruman niy walan bengatlad sikato; balet say toon anggapoy bengatlad sikato, naala so anggan say dagdaiset a bengatlan ipapasen to a walad sikato.”

Mateo 3:9

Tan ag yo iisipen a nasaniban yoy peteg a kipapasen yo diad pangibaga yon laki yoy Abraham. Kuankod sikayo a walay pakayari na Dios a pagmaliwen a tuan anak nen Abraham ira yan bato!

Probirbio 20:20

No isambam iray ateng mo, mansamput a singa lamparaan a naerep ed kabilongetan so bilay mo.

Say Libro nen Job 21:17

Amimpiga lan narep so lamparaan na saray maoges a totoo? Wala lay dinalan na deral ed sikara? Dinusa ta la na Dios ed pasnuk to iray totoon maoges,

Say Libro nen Job 18:5

Naerep so silew na maoges a too; ag lan balut ondalang so apoy to.

Saray Gawgawa 8:24

Inkuanen Simon ed kindi Pedro tan Juan, “Ipikasi yo ak pa sirin ed Katawan, pian anggapod saray imbaga yo so nagawad siak.”

Saray Salmo 49:7

Ag nayariay too a dondonen toy sikaton dili; ag to nabayaran ed Dios so bilay to,

Mateo 25:1

“Diad satan ya agew, say Panariay tawen aliling toy samploran mamarikit ya angala ray sansasakey a lamparaan, tan pinmaway iran mangabet ed nubio.

Mateo 25:7

Binmangon a tampol ira may samploran mamarikit tan imparaan da ray lamparaan da.

Mateo 25:9

‘Andi,’ ebat da ra may makalakal, ‘ta ompan ag ondugad para sikatayon amin. Say maung lakayo lan manaliw ed saray manlalakoy larak.’