Mateo 25:24 - Maung A Balita Biblia

²⁴ Tinmombuk imay naitday sanliboy pisos, tan inkuanto, ‘Amo, amtak a mapeget ka. Amtak a manaani kad ag yo nantaneman, tan manggagapas kad ag mo nampasekan.

Maung a Balita Biblia

²⁴ Tinmombuk imay naitday sanliboy pisos, tan inkuanto, Amo, amtak a mapeget ka. Amtak a manaani kad ag yo nantaneman, tan manggagapas kad ag mo nampasekan.

Mateo 25:24 Referans Kwoze

Lucas 15:29

Balet inkuantod kinen ama to, ‘Nanlingkur ak a singa aripen ed sikayon piga-pigay taon. Anggapo niy ganggan yon sinumlang ko. Antoy inter yod siak? Anggapoy anggan kanding a panliliketan mi ray kakaarok!

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Saray Taga Roma 9:20

Balet, kaaro, siopa kan too ya onebat ed Dios? Ibaga kasi na banga ed toon nanggawad sikato, “Akin et onyay impanggawam ed siak?”

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

Lucas 6:46

“Akin et tatawagen yo ak na ‘Katawan, Katawan!’ et ag yo lamlamang totombukey ibabagak?

Mateo 20:12

Inkuanda, ‘Saksakey oras a nankimey ira may onur a sinmabi; sikami, balet, sanagew kamin nankimey ed kapetangay agew. Akin et namparay upa mi?’

Mateo 7:21

“Aliwan amin da ray ontawag ed siak na ‘Katawan, Katawan,’ so makaloob ed Panariay tawen, no ag labat saray manumpal ed linaway Amak a walad tawen.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Mateo 18:24

Kapanggigapo ton mikuintaan, walay inyakar dad sikaton sakey ya aripen a piga-pigan milyon a pisos so utang to.

Mateo 25:25

Antakot ak ed sika, kanyan inyamut kod dalin, imay kuartam. Nia la may sanliboy pisos yo!’

Mateo 25:26

Inkuanto may amo, ‘Maoges tan mangiras ya aripen! Amtam a manaani ak ed ag ko nantaneman tan manggagapas ak ed ag ko nampasekan, anto?

Lucas 19:13

Kasakbayan ton sinmiput, tinawag toy samploran katulong to, initdan to ray sansasakey a kuartan balituk tan inkuanto, ‘Ipoonan yo ya, anggad isabik!’