Mateo 25:12 - Maung A Balita Biblia

¹² Balet inmebat imay nubio, ‘Kuankod sikayo, ag ta kayo kabat!’”

Maung a Balita Biblia

¹² Balet inmebat imay nubio, Kuankod sikayo, ag ta kayo kabat!

Mateo 25:12 Referans Kwoze

1 CORINTO 8:3

Balet kabat na Dios so toon mangaarod sikato.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Juan 10:27

Ondedengel na bosis ko ray karnirok. Amtak ira tan totombuken da ak.

Juan 9:31

Amta tayon ag dedengelen na Dios iray makasalanan. Say dedengelen to say toon matway pangigalang tod Dios tan mangoonur na linawa to.

Saray Salmo 5:5

Ag mo nitepel a nengnengen iray totoon mapaatagey; kabosul mo ray managgaway kaogsan.

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

TAGA GALACIA 4:9

Natan ta kabat yo lay Dios—andi manaya, no ag ta natan ta kabat ki lay Dios—akin et papawilen yo ray anggapoy nayarian tan saray pangaskasiyan a manangiwanwan na sayan mundo? Labay yo siriy paoleyan lamet ed sikara?

Habacuc 1:13

Balet panon mon nitepel ira yan traidor tan maoges? Masanton tuloy iray matam ya onnengneng ed kaogsan, tan ag mo nitepel so onnengneng ed saray totoon manggagaway kakapoyan. Akin sirin et ag ka oneseesel, anggan papairapen na sarayan totoo iray matonung nen say sikara?

Mateo 25:11

“Insan sinmabi ra may kulang na kalakal tan inkuanda, ‘Katawan, katawan, lokasan mo kami pa!’

Mateo 25:13

Inkuanen Jesus a pamasamput, “Manalwar kayo sirin, ta ag yo amtay agew odino say oras.”

Lucas 13:25

No inmalagey lay panguloy pamilya tan inkaput to lay puirta, wala kayod paway tan ontoktok kayo. ‘Katawan,’ inkuanyo, ‘lokasan mo kami pa!’ Onebat ed satan, ‘Ag ko amta no taga iner kayo!’