Mateo 24:48 - Maung A Balita Biblia

⁴⁸ Balet no maoges yan aripen ikuantod sikaton dili, ‘Mabayag nin onsabiy amok!’

Maung a Balita Biblia

⁴⁸ Balet no maoges yan aripen ikuantod sikaton dili, Mabayag nin onsabiy amok!

Mateo 24:48 Referans Kwoze

Mateo 18:32

Tinawag na ari may aripen tan inkuanto, ‘Maoges kan aripen! Ag ta ka impambayar na utang mo lapud akikasi ka.

Lucas 12:45

Balet no ikuanto yan aripen ed sikaton dili, ‘Mabayag nin onsabiy amok.’ Gapoan tod satan a kabilen iray arum ya aripen, laki man o bii, tan mangan, oninom, tan mambuwek.

Isaias 32:6

Andi-kakanaan so sasalitaen na makulang-kulang tan maoges so nununoten ton gawaen. Panamabaing ed Katawan iray gagawaen tan sasalitaen to, tan ag ton balut iitdan na kakanen iray narasan o iitdan na inomen iray napgaan.

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

Juan 13:2

Mamandem ira di Jesus tan saray disipulo to. Inseksek lan maung na Diablo ed puso nen Judas Iscariote, ya anak nen Simon, so pantraidor tod kinen Jesus.

Marcos 7:21

Ta manlapud otel na pusoy too iray maoges a kanunotan, pilalawanan, panagtakew, panagpatey,

Deuteronomio 9:4

“No apataynan la ra na Katawan a Dios yo para sikayo, ag yo ibabagad sikayon dili a pinaloob to kayo ed saman a dalin lapud sikatoy kanepegan yo. Andi, say Katawan et pataynanen ton para sikayo ira yan totoo lapud maoges ira.

Saray Gawgawa 8:22

Magbabawi ka sirin tan ibeneg mo yan maoges a pilalek mo, tan mampikasi kad Katawan a pirdonaen to ka.

Lucas 19:22

Inkuanto may amo, ‘Maoges kan katulong! Say salitam a dili so panintinsiaan kod sika! Amtam manaya a mapeget ak. Amtam manaya ya aalaen koy ag ko kayaryan, tan aanien koy ag ko intanem.

Mateo 25:26

Inkuanto may amo, ‘Maoges tan mangiras ya aripen! Amtam a manaani ak ed ag ko nantaneman tan manggagapas ak ed ag ko nampasekan, anto?

Ezekiel 12:27

“Sika a toon ompatey, dengel moy ibagak. Abaloan na saray Israelita a mabaybayag nin nasumpal iray pasingayew tan saray pasakbay mo.

Ezekiel 12:22

Inkuanto, “Sika a toon ompatey, akin et ooliten na saray totood Israel ya ibaga yan probirbio: ‘Ondadalan so panaon, et ag nasusumpal iray pasakbay’?

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

2 Saray Arari 5:26

Balet inmebat si Eliseo, “Ag ta wadman ak ed ispiritu nen inmepas ed karwahi to may too tan inabet to ka? Akin, panaon natan a pangawat na kuarta, tan kawes, kakiewan na oliba, tan kaubasan, karniro, tan baka, odino saray aripen?

Deuteronomio 15:9

Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

Mateo 24:47

Samay amo, kuankod sikayo, pagmaliwen to may aripen a manasikasoy amin a kayamanan to.

Mateo 24:49

Gapoan tod satan a lewet-leweten iray kapara ton aripen; mikan tan miinoman ed saray buanges.