Mateo 24:24 - Maung A Balita Biblia

²⁴ Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Maung a Balita Biblia

²⁴ Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 24:24 Referans Kwoze

Marcos 13:22

Ta dakel iray tila-tilan Cristo tan tila-tilan propita ya onsabi. Manggawa ray tanda tan pakelaw pian napalingo ra, no nayari, iray totoon piniliy Dios.

Mateo 24:11

Amayamay met iray omparontal a tila-tilan propita, tan dakerakel so napalingo ran totoo.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Mateo 24:5

Ta amayamay iray onsabi tan ikana ray ngaran ko ya ikuanda, ‘Siak so Cristo!’ Dakel iray napalingo ra.

2 Pedro 3:17

Natan ta amta yo la ya, inararon agagi, nepeg yoy manalwar, ompan nibalang kayo na saray pikewet a bangat da ray totoon maoges, tan nataynan yod satay maung a kipapasen yo.

Deuteronomio 13:1

“Say sakey a propita odino sakey a managpatalus na kogip et nayarin mangisipan a manggaway sakey a milagro odino sakey a pakelaw,

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Juan 6:39

Et saya so linawa na angibakid siak: ag kon balut paolyan a nabalang iray totoon inter na Ama ed siak, no ag ingen paolien ko rad bilay diad kaonuran ya agew.

Juan 6:37

Ondagon amin iray iter na Ama ed siak. Ag kon balut ipolisay so siopaman ya ondagod siak.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

TAGA GALACIA 4:15

Antoy agawa ed samay liket yo nen saman? Paneknekan ko a no nayari labat iran sokiten, sinokit yo la komun ya inter ed siak iray mata yo.

Saray Taga Roma 12:18

No nayari, diad anggaay nayarian yo, piolupan yon amiy too.

Saray Gawgawa 20:16

Tinibokel nen Pablo ed kanunotan to a labsanan to lay Efeso, pian ag la naabalad Asia. Maganat a makasabid Jerusalem; no nayari, no agew na Pinticostis so labay ton isabi.

Isaias 9:15

Say olo et saray matakken tan gagalangen a totoo—tan say ikul et saray propitan tilay ibabangat da!

Mateo 22:14

“Ta amayamay so naimbitaan, balet dagdaiset so napili.”

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Mateo 24:25

Tandaan yo! Imbagak la yad sikayo kasakbayan a nagawa.

Mateo 24:31

Ontanul so baleg a trumpita, tan ibaki tod apatiran suyok na mundo ray anghil to tan, manlapud amin a pasey mundo, tiponen da ray totoon piniliy Dios.”

Lucas 18:7

Say Dios balet ey? Ag to kasi iter so kanepegan da ray dilin totoo to ya agew-labin mikasi? Ag to ra kasi tulongan a tampol?

Juan 4:48

Inkuanen Jesus ed sikato, “Anggapod sikayoy manisia likud no makanengneng kayo ray tanda tan makapakelaw iran gawa.”

1 Juan 2:18

Anak, asingger lay anggaan! Nibagad sikayon onsabiy Anticristo. Et natan amayamay la ray linmetaw ya Anticristo, kanyan amta tayon asingger lay anggaan.

1 Juan 2:22

Siopa sirin so matila? Say toon mangibabaga a si Jesus et aliwan sikatoy Cristo. Sikato yay Anticristo—ipopolisay toy Ama tan say Anak.