Mateo 23:9 - Maung A Balita Biblia

⁹ Tan nepeg ya ag yo tatawagen so siopaman a too na ‘Ama’ diad dalin, ta saksakey so Ama yon walad tawen.

Maung a Balita Biblia

⁹ Tan nepeg ya ag yo tatawagen so siopaman a too na Ama diad dalin, ta saksakey so Ama yon walad tawen.

Mateo 23:9 Referans Kwoze

1 Juan 3:1

Nengneng yo so ontan lan panangaroy Ama ed sikatayo! Diad kabaleg na panangaro to atawag itayon anak na Dios—tan saya et tua. Ag itayo kabat na sankamundoan, ta say sankamundoan ag to akabat so Dios.

Saray Hebreo 12:9

Dinudusa itayo na saray mangaraldalin ya ama tayo tan, lapud saya, inggalang ti ra. Lalo la sirin a nepeg tayoy ontoluk ed maispiritun Ama tayo, pian mambilay itayo!

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Mateo 7:11

No sikayo, anta maoges kayo, et amta yoy mangiter na pankaabigay anak yo, lalo la sirin a say Ama yon walad tawen et itdan to ray onkerew ed sikato na bengatlan pankaabigan da.

1 CORINTO 4:15

Ta anggan samplon liboy managbangat yon nipaakar ed pambibilay yon Cristiano, saksakey labat so ama yo. Ta diad pikakasakey yod Cristo Jesus anak ta kayo, diad panamegley na Maung a Balitan impupulong kod sikayo.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

Saray Gawgawa 22:1

“Atateng tan agagi, dengel yo pay ibagak a pangyagel koy laman kon dili!”

2 Saray Arari 2:12

Anengneng nen Eliseo so agawa tan ineyag tod kinen Elias, “Ama, ama! Makapanyarin manangyagel na Israel!” Insan ag to la anengneng a balut si Elias. Diad ermen nen Eliseo, pinilat ton nankadwa so kolibemben to.

Mateo 6:32

Sikara yay aanapen na saray Hintil. Amtay Ama yod tawen a nakakaukolan yo ra yan amin.

2 Saray Arari 13:14

Mapalaloy sakit nen Eliseo tan ipatey to la; binisita nen Ari Jehoas na Israel. Nanakis ed abay nen Eliseo tan inkuanto, “Ama, O ama! Sikay makapanyarin manangyagel na Israel!”

2 Saray Arari 6:21

Nen anengneng na ari ed Israel iray Siriano, tinepet tod kinen Eliseo, “Kagalang a propita, pateyen ko ra? Pateyen ko la ra?”

Mateo 23:10

Ag kayo met patatawag na ‘Pangulo,’ ta saksakey so Pangulo yo a si Cristo.