Mateo 23:4 - Maung A Balita Biblia

⁴ Manggagawa ray ambelat a sasakbaten ya ipapasakbat dad arum a totoo, balet ag da labay ya igalaw so anggan tamoro ra diad pangiba ra.

Maung a Balita Biblia

⁴ Manggagawa ray ambelat a sasakbaten ya ipapasakbat dad arum a totoo, balet ag da labay ya igalaw so anggan tamoro ra diad pangiba ra.

Mateo 23:4 Referans Kwoze

Lucas 11:46

Inmebat si Jesus, “Pakaskasi ki met, sikayo ran makabat ed Ganggan! Ipapasakbat yod arum a totoo ray ambelat a sasakbaten, balet ag yo gagalawey anggan tamoro yo ed pangiba yod sikara.

Saray Gawgawa 15:10

No ontan sirin, akin et labay yon subokey Dios diad pamapasakbat yod saray disipulo na ambelat a sasakbaten ya ag ayarian na saray atateng tayo, ni anggan sikatayo?

TAGA GALACIA 6:13

Anggan saray mampapasegat et ag da oonuren so Ganggan; papasooten da kin mampasegat, pian nipasirayew day impangonur yod sayan sirimonya.

Mateo 23:23

“Pakaskasi ki la, sikayon iskriba tan sikayon Pariseo! Mansimpisimpitan a totoo! Iiter yoy kakaplo na anggan saray rikado a singa say yirbabuina, anis, tan kumino, balet ag yo susumpalen iray lalon ambelat ya ibabagay Ganggan a singa say katonungan, say panangasi, tan say inkamatoor. Nepeg yo ra yan sumpalen, balet ag yo met papaolyan iray arum a ganggan.

Puyan 2:24

“Balet sikayo ran arum a taga Tiatira, ya ag dinmengel ed maoges a bangat nen Jezebel tan ag akaaral na tatawagen dan ‘aralem iran bengatla nen Satanas,’ ibabagak ed sikayo ya ag ta kayo la itday arum a sasakbaten.

Saray Gawgawa 15:28

Ta impuyan na Ispiritu Santo ed sikami ya ag mi ki la pansakbatey arum ni ran sasakbaten, likud ed sarayan onggendan a nepeg yon tombuken:

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Mateo 23:3

Kanyan tombuk tan sumpal yo ray amin ya ibabaga ran gawaen yo. Balet ag yo aaligen so gagawaen da, ta ag da lamlamang susumpaley ibabangat da.

1 Juan 5:3

Ta say pangarod Dios kabaliksan toy pangonur tayod saray ganggan to. Et aliwan mairap ya onuren iray ganggan to,