Mateo 22:37 - Maung A Balita Biblia

³⁷ Inmebat si Jesus, “‘Arom so Katawan a Dios mo ed intiron pusom, diad intiron kamarerwam, tan diad intiron kanunotan mo.’

Maung a Balita Biblia

³⁷ Inmebat si Jesus, Arom so Katawan a Dios mo ed intiron pusom, diad intiron kamarerwam, tan diad intiron kanunotan mo.

Mateo 22:37 Referans Kwoze

Lucas 10:27

Inkuanto may too, “‘Arom so Katawan a Dios mo ed intiron pusom, intiron kamarerwam, intiron biskeg mo, tan intiron kanunotan mo’; tan, ‘Arom so kaabay mo a singa panangarom ed sikan dili.’”

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Marcos 12:33

Kanyan say too nepeg ton aroen so Dios ed intiron puso to, tan diad intiron nunot to, tan diad intiron biskeg to. Nepeg to met ya aroen so kapara ton too a singa panangaro tod sikaton dili. Lalon maung ni ya, nen say pangibagat na ayayep a poolan ed altar tan say pangisaklang na arum ni ran bagat ed Dios.”

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

Deuteronomio 6:4

“Sikayo ran Israelita, tandaan yo ya! Bukor na Katawan a Dios tayo so Katawan.

Mateo 22:36

“Maistro,” inkuanto, “diad Ganggan dinay manona?”

Mateo 22:38

Sikato yay manonan ganggan.

1 Juan 4:21

Saya sirin so ganggan ya inter nen Cristo ed sikatayo: say mangarod Dios nepeg met ya aroen toy agi to.