Mateo 22:30 - Maung A Balita Biblia

³⁰ Ta no onolid bilay iray inaatey, ag la ra mangasawa tan miasawa, tan magmaliw iran singa saray anghil ed tawen.

Maung a Balita Biblia

³⁰ Ta no onolid bilay iray inaatey, ag la ra mangasawa tan miasawa, tan magmaliw iran singa saray anghil ed tawen.

Mateo 22:30 Referans Kwoze

Mateo 24:38

Kasakbayan na delap, nanaakan tan naniinom iray totoo, angaasawa tan akikiasawa ra. Onyay ginagawa ra anggad inloob nen Noe ed biong.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

Lucas 17:27

Nen saman, nanaakan tan naniinom so balang sakey ed sikara, angaasawa tan akiaasawa ra. Onyay ginagawa ra ya anggad inloob nen Noe ed biong. Insan sinmabiy delap tan inaatey iran amin.

Mateo 13:43

Balet saray totooy Dios onsinag ira a singa agew ed Panariay Ama ra. Dengel kayo sirin, sikayo ran walay layag!”

Saray Salmo 103:20

Idayew yoy Katawan, sikayo ran mabiskeg tan makapanyarin anghil a manusumpal na saray ganggan to tan onderengel na ibabaga to.

Mateo 18:10

“Imano yo ta ompan balawen yoy sakey ed sarayan ogogaw. Kuankod sikayo a diad tawen, saray anghil da ra yan ogogaw et wala ran naynay ed arap na Amak ed tawen.

Zacarias 3:7

say Katawan a Makapanyarin-amin kuanto: “No onuren mo ray ganggan ko tan sumpalen mo ray kimey a nipabetang ed sika mansiansia kan makaoley ed Timplok tan diad saray patio to, tan dengelen ko ray pikakasim a singa pandedengel kod pikakasi da ray anghil a manaayam ed kawalaan ko.

Mateo 22:31

Natan, nipaakar ed kiolid bilay: ag yo ta ni nababasay imbaga na Dios ed sikayo? Ta inkuanto,