Mateo 22:15 - Maung A Balita Biblia

¹⁵ Tinmaynan iray Pariseo tan nantotongtongan da no panoy pangerel dad kinen Jesus, diad panamegley na pantepet da.

Maung a Balita Biblia

¹⁵ Tinmaynan iray Pariseo tan nantotongtongan da no panoy pangerel dad kinen Jesus, diad panamegley na pantepet da.

Mateo 22:15 Referans Kwoze

Saray Salmo 2:2

Saray arari ra milalaban ira, saray manoley da mankokomplut ira sumpad Katawan tan say pinili ton ari.

Saray Salmo 59:3

Nengneng mo! Tatalaranan da ak a pateyen; mantitipon ya onlaban ed siak iray maruksan totoo. Aliwan lapud kasalanan o kaogsan a ginawak,

Saray Hebreo 12:3

Nunot yo no panoy impanirap nen Jesus ed ontan lan impanbosul ed sikato na saray makasalanan, pian ag kayo onkapoy tan naekalay biskeg na linawa.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Isaias 29:21

Deralen na Dios iray mamapaoges na kapara ran too, saray manesebel na pakadusa da ray kriminal, tan saray mantatasiy tila pian ag niiter so katonungan da ray maptek so kabibilay da.

Saray Salmo 57:6

Saray kalaban ko pinatitan da ak na iket, a pangerel dad siak; mapalaloy kapapagaan ko. Angotkot iray abut ed dalanen ko, balet sikaran diliy naplag.

Saray Salmo 41:6

Ag napanmatalkan iray ondadalaw ed siak; mantitipon ira na saray maoges a balitan nipaakar ed siak, insan da ibabawag ed inerman a pasen.

Mateo 12:14

Tinmaynan ira may Pariseo tan implano ra no panoy pamatey dad kinen Jesus.

1 CORINTO 7:35

Ibabagak ya, ta labay ta kayon tulongan. Ag ta kayo sesebelan; labay ko labat a maptek tan maoksuy so pambilay yo, pian diad panlingkur yod Katawan et anggapoy makaskasbel.