Mateo 21:9 - Maung A Balita Biblia

⁹ Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

Maung a Balita Biblia

⁹ Ineeyag na saray totoon walad onaan tan saray walad onur nen Jesus, Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!

Mateo 21:9 Referans Kwoze

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Mateo 23:39

Kuankod sikayo, a manlapud natan, ag yo ak la nanengneng a balut ya anggad pangibaga yoy ‘Bindisionay Dios so onsabid ngaray Katawan.’”

Mateo 21:15

Akapasnuk iray manonan papari tan saray iskriba nen anengneng day makapakelkelaw iran gagawaen nen Jesus tan saray ogogaw a mankulkulyaot ed loob na Timplo, “Hosanna ed Anak nen David!”

Mateo 9:27

Tinmaynan si Jesus ed saman a pasen tan tinombuk na duaran bulag a tinmatawag na maksil, “Anak nen David, kasian mo kami!”

Saray Salmo 148:1

Idayew yoy Katawan! Manlapud tawen idayew yoy Katawan, idayew yo sikayon ran manaayam ed tagey.

Mateo 21:10

Agoloy intiron Jerusalem nen onsabiy Jesus. “Siopa ya kasi?” tepet da.

Lucas 13:35

Kanyan, natan, sigput a napaolyan so abung mo. Kuankod sikan ag mo ak la nanengneng a balut ya anggad pangibagam, ‘Bindisionay Dios so onsabid ngaray Katawan!’”