Mateo 21:35 - Maung A Balita Biblia

³⁵ Balet siningkat na saray kasamak ira may aripen. Pinepekpek day sakey, pinatey da niy sakey, tan tinutupak day kumatlo.

Maung a Balita Biblia

³⁵ Balet siningkat na saray kasamak ira may aripen. Pinepekpek day sakey, pinatey da niy sakey, tan tinutupak day kumatlo.

Mateo 21:35 Referans Kwoze

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Puyan 6:9

Insan inekal na samay Kordiro so kumaliman timbri, tan anengneng kod silong na altar iray kamarerwa da ray pinapatey, lapud salitay. Dios tan lapud matoor ya impantatasi ra.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.

1 Saray Arari 22:24

Balet inasinggeran nen Sedekias si Micaya, tinampal to, tan kuanto, “Kapigan ya inmekal ed siak so ispiritu na Katawan, insan nansalita ed sika?”

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

1 Saray Arari 19:2

Impaikuanen Jezebel ed kinen Elias: “Pateyen ak komun na saray diriyos no diad onyan oras nabwas et ag ko gawaen ed sika so singa ginawam ed saray propita.”

1 Saray Arari 18:13

Ag mo ta nadngelan a nen papateyen nen Jezebel iray propita na Katawan et pinaamut kon alimamplo ed saray ongib iray sanlasus ed sikara, iniitdan ko ray tagano tan say nainom da?

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

Jeremias 26:8

tan kapangibagak ed saray amin ya ingganggan na Katawan a salitaen ko, siningkat da ak tan ineeyag da, “Nepeg moy pateyen lapud saya!

Jeremias 37:15

Mapalaloy pasnuk dad siak; sinisiplatan da ak, insan da ak impokuk ed abung nen Jonatan a sikritarioy ari, a nagmaliw a prisowan so abung to.

Mateo 21:34

Nen asabiy panaon a panagborbor na ubas, imbaki ton miapag ed saray kasamak iray aripen to.

Mateo 21:36

Angibaki lamet na dakdakel nin aripen to, balet onman ed onaan so ginawa rad sikara.