Mateo 21:23 - Maung A Balita Biblia

²³ Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, “Antoy pankatonungan mon manggawad saraya? Siopay angiter ed sika yan pankatonungan?”

Maung a Balita Biblia

²³ Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, Antoy pankatonungan mon manggawad saraya? Siopay angiter ed sika yan pankatonungan?

Mateo 21:23 Referans Kwoze

Saray Gawgawa 4:7

Pinaalagey da ray apostol ed arap da tan tinepet da, “Panoy impanggawa yod saya? Diad anton pakayari o ngaran so impanggawa yo ya?”

Lucas 19:47

Nambabangat si Jesus ya inagew-agew ed Timplo. Saray manonan papari, saray iskriba, tan saray manonad baley et labay dan pateyen si Jesus.

Mateo 26:55

Insan inkuanen Jesus ed saramay totoo, “Akin et sankaawit yo ray ispada tan pekpek a mangerel ed siak? Tulisan ak sirin? Inagew-agew ak a nanyoyorung a nambangat ed Timplo, balet ag yo ak inerel.

Exodo 2:14

Inmebat imay too, “Siopa so anorod sika a manoley tan manintinsia ed sikami? Labay mo ak a pateyen a singa impamatey mod samay Egipsio?” Tinmakot ed satan si Moises tan inkuantod sikaton dili, “Akabatan la na totoo imay ginawak.”

Saray Gawgawa 7:27

Balet intolak na mamapairap ed samay sakey tan inkuanto, ‘Siopay angipasen ed sikan manoley tan huis mi?

Mateo 21:24

Inmebat si Jesus, “Wala pa labat so tepeten kod sikayo. No ebatan yo ak, ibagak ed sikayo no antoy pankatonungan kon manggawad saraya.

Mateo 24:1

Pinmaway si Jesus ed Timplo. Nen oonla la, linmad sikato ray disipulo to tan intoro rad sikato ray paalagey na Timplo.

Lucas 20:1

Aminsan ya agew, nen babangatan nen Jesus iray totoon walad Timplo tan ipupulong toy Maung a Balita, inmasingger iray manonan papari, saray iskriba, tan saray mamatakken na baley.

Mateo 20:4

Inkuantod sikara, ‘Lakayo met ed kaubasan ko. Mankimey kid man, ta upaan ta kayoy manepeg.’