Mateo 21:17 - Maung A Balita Biblia

¹⁷ Tinaynan ira nen Jesus, pinmaway ed siudad tan linmad Betania. Diman naogip ed saman a labi.

Maung a Balita Biblia

¹⁷ Tinaynan ira nen Jesus, pinmaway ed siudad tan linmad Betania. Diman naogip ed saman a labi.

Mateo 21:17 Referans Kwoze

Juan 11:18

Sakey a taloran kilomitro labat so kaarawiy Betania ed Jerusalem.

Juan 11:1

Walay taloran sanaagi a taga ra Betania. Lazaro, Maria, tan Marta so kangaranan da.

Lucas 24:50

Inyakar to rad satan ed paway na siudad. Kasabi rad Betania, intagey to ray lima to tan binindisionan to ra.

Marcos 11:11

Linmay Jesus ed Jerusalem tan linmoob ed Timplo. Ninengneng ton amin iray bengatlan wadman. Lapud onlalabi la, pinmaway tan linma ed Betania a kaiba to ray labinduan disipulo to.

Marcos 11:19

Nen labi la, pinmaway lamet a nanlapud siudad si Jesus tan saray disipulo to.

Mateo 16:4

Maoges tan aliwan matoor ed Dios iray totood sayan panaon! Labay yoy makanengneng na milagro, anto? Anggapoy nanengneng yo no ag say milagro nen Jonas!” Tinaynan nen Jesus ira tan inmarawi.

Lucas 19:29

Nen asingger lad Betfage tan Betania, diad Palandey na Kaolibaan, pinaona toy duaran disipulo to,

Lucas 10:38

Nen intuloy nen Jesus tan saray disipulo to so panaakar da, sinmabid sakey a bario. Walad may sakey a biin anangkailid sikato ed abung to. Marta so ngaran to,

Marcos 11:1

Asingger la rad Jerusalem nen sinmabi rad alusadsar na Palandey na Kaolibaan, diad saray baley na Betfage tan Betania. Pinaona nen Jesus iray duaran disipulo to,

Marcos 3:7

Linmad gilig na Dayat na Galilea si Jesus tan saray disipulo to. Amayamay iray tinmombuk ed sikara a taga Galilea; ontan met na saray taga Judea,

Mateo 26:6

Nen si Jesus et walad abung nen Simon ya akating, diad Betania,

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Jeremias 6:8

Totood Jerusalem, ipasen yon pasakbay ed sikayo ira yan gunigon, et no ag kayo ondengel ikaindan ta kayo; gawaen kon kabueran so siudad yo, sakey a pasen ya anggapoy malabay a manayam.”

Marcos 14:3

Si Jesus walad abung nen Simon ya akating, diad Betania. Nen mangakan, inmasingger so sakey a biin sankaawit toy botilyan alabastro a napnoy mabmablin pabalingit a ginawad puron nardo. Binetag toy sangab na botilya, insan to inkalbod olo nen Jesus imay pabalingit.