Mateo 20:31 - Maung A Balita Biblia

³¹ Nampasnukan ira na saray totoo tan babanoen da ran oningal, balet lalon maksil so intawag da, “Anak nen David, kasian mo kami!”

Maung a Balita Biblia

³¹ Nampasnukan ira na saray totoo tan babanoed da ran oningal, balet lalon maksil so intawag da, Anak nen David, kasian mo kami!

Mateo 20:31 Referans Kwoze

Mateo 19:13

Wala ray totoon angawit na ogogaw ed kinen Jesus, ta labay dan itapew to ray lima tod sarayan ogogaw tan ipikasi to ra. Balet nampasnuk iray disipulo ed sarayan totoo.

COLOSAS 4:2

Ag yo totondaay mampikasi. No mampikasi kayo, gawa yon masimoon tan tekepan yoy pisasalamat ed Dios.

1 TESALONICA 5:17

Ag yo totondaay mampikasi.

Mateo 15:23

Balet ag inebatan nen Jesus na anggan sakey a salita. Inmasingger iray disipulod sikato tan kuanda, “Ibakim la, ta totombuken to itayo tan maingaingal.”

Lucas 18:39

Saray totoon walad bandad onaan nampasnukan da tan imbaga ran mandeen, balet lalon tinmawag na maksil, “Anak nen David! Kasian mo ak!”

Mateo 9:27

Tinmaynan si Jesus ed saman a pasen tan tinombuk na duaran bulag a tinmatawag na maksil, “Anak nen David, kasian mo kami!”

Mateo 20:30

Walay duaran lalakin bulag a manyodyorung ed gilig na dalan. Nen nadngel dan ondadalan si Jesus tinmawag iray maksil, “Anak nen David, kasian mo kami!”

Mateo 20:32

Tinmonday Jesus, tinawag to ra tan tinepet to, “Antoy labay yo a gawaen kon para sikayo?”