Mateo 2:7 - Maung A Balita Biblia

⁷ Si Herodes impaawit ton anggapoy makaamta ira may makakabat a nanlapud Bokig, tan tinepet tod sikara no kapigay inletaw na bitewen.

Maung a Balita Biblia

⁷ Si Herodes impaawit ton anggapoy makaamta ira may makakabat a nanlapud Bokig, tan tinepet tod sikara no kapigay inletaw na bitewen.

Mateo 2:7 Referans Kwoze

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

1 Samuel 18:21

Inkuantod sikaton dili, “Iter kon asawaen nen David si Micol; agamilen kon mangalut ed sikato, pian napatey na saray Filisteo.”

Exodo 1:10

Gawaen tayoy kasiliban a pamatonda na idadakel da, ta no walay onsabi-sabin bakal, ag la pigan migampi rad saray kalaban tayo. Onlaban irad satan ed sikatayo, insan da taynan so bansa tayo.”

Puyan 12:15

Lapud saya, samay oleg nambogay danum a singa ilog ya ontombuk ed samay bii, pian naanor.

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

Mateo 2:1

Nianak si Jesus ed baley na Betlehem ed Judea, nen manooley si Ari Herodes. Ag abayag, sinmabid Jerusalem iray makakabat a totoon nanlapud Bokig.

Mateo 2:8

Insan to ra imbakid Betlehem tan imbilin tod sikara, “Apiger yon anapen itay ogaw. No nalmo yo la, ipakabat yod siak, pian makakar ak met a mangigalang ed sikato.”

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Saray Gawgawa 24:22

Lapud si Felix et dakel so amta ton nipaakar ed Dalan, pinatonda to lay bista. Inkuanto, “Sano onsabi lay Lisias a kapitan so panumpal koy kaso yo.”