Mateo 2:20 - Maung A Balita Biblia

²⁰ Inkuanto may anghil, “Bangon ka tan isempet mo lad dalin na Israel so ogaw tan say ina to, ta inatey la ra may mamapatey ed ogaw.”

Maung a Balita Biblia

²⁰ Inkuanto may anghil, Bangon ka tan isempet mo lad dalin na Israel so ogaw tan say ina to, ta inatey la ra may mamapatey ed ogaw.

Mateo 2:20 Referans Kwoze

Exodo 4:19

Diman ed Madian say Katawan inkuantod kinen Moises, “Pawil ka lad Egipto, ta amin da ra may totoon malabay a mamatey ed sika et inaatey la ra.”

Mateo 2:13

Kasiput da ra may makakabat a totoo, pinmayawar ed kugip nen Jose so sakey ya anghil na Katawan. Inkuanto may anghil, “Bangon ka, ta batik kad Egipto a kaibam so ogaw tan say ina to. Ag kayod man ontataynan ya anggad ag ko ibagad sika, ta anapen nen Herodes so ogaw a pateyen.”

1 Saray Arari 11:40

Lapud saya, labay a pateyen nen Solomon si Jeroboam, balet batik ed Ari Sisak na Egipto tan nanayam diman ya anggad impatey nen Solomon.

1 Saray Arari 11:21

Nen nadngelan nen Hadad ed Egipto so balitan inatey lay David tan si Joab a pangulo na saray sondalo, inkuantod kinen ari, “Abuloyan mo pan ompawil ak ed dilin bansak.”

Mateo 2:19

Nen inatey lay Herodes, sakey ya anghil na Katawan so pinmayawar ed kugip nen Jose dimad Egipto.

Mateo 2:21

Binmangon sirin si Jose tan insempet to lad dalin na Israel so ogaw tan say ina to.