Mateo 2:16 - Maung A Balita Biblia

¹⁶ Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Maung a Balita Biblia

¹⁶ Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Mateo 2:16 Referans Kwoze

Isaias 59:7

Maoges lawas iray plano yo, tan agaylay siglat yon manumpal. Bengat-bengat kayon mamapatey na saray totoon anggapoy kasalanan. Deral tan bagbag so ititilak yo ed inerman a laen yo,

Probirbio 28:15

Pakaskasi ray mairap-bilay ed silong na maoges a manoley; aliling toy mangwam a lion odino liber-liber ya aso.

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Oseas 10:14

ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Daniel 3:13

Lapud saman mapalaloy impetang na olo na ari, et ingganggan ton iyarap ed sikato ira may taloran lalaki.

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

2 Saray Arari 8:12

“Akin et manakis ka?” tepet nen Hazael. Inmebat si Eliseo, “Lapud amtak so gawaen mon kaogsan ed saray totood Israel. Poolan mo ray tirinsira ra, pateyen mod panamegley na ispada ray babalolaki ra, ibakbak mod dalin ya anggad ompatey iray anak da, tan butyakan mo ray malokun da.”

Saray Huis 16:10

Inkuanen Delila ed kinen Samson, “Lulukoen mo ak, ta ag mo ibabagad siak so tua. Ibagam la kari no panon kan nabalur na siopaman.”

Genesis 49:7

Sakey a samba komuy niwala ed pasnuk da, lapud alablabas, Tan diad petang na olo ra, lapud mapalalon maruksa. Ikaykayat ko rad intiron dalin na Israel. Itaytayak ko rad saray totoo na Israel.

Probirbio 28:17

Say toon akapatey na kapara ton too et gaganatan ton kotkotan so dilin lobuk to. Ag mo babanoen.

Say Libro nen Job 12:4

Elek-elekan ak natan na anggan saray kakaarok, elek-elekan da ak anggaman a matonung ak tan anggapoy pakabalawan ed siak; balet walay panaon ya inebatan na Dios so pikakasik.

Saray Bilang 24:10

Inelet nen Balak so poniti to diad gaway pasnuk to tan kuantod kinen Balaam, “Tinawag ta kan mangisamba ed saray kalaban ko, balet amitlom iran binindisionan lalaingen.

Saray Bilang 22:29

Inmebat si Balaam, “Lapud lolokoen mo ak! No walay ispadak pinatey ta ka la.”

Genesis 39:17

Insan inkuan na samay bii, “Samay aripen a Hebreo ya insempet mo dia et linmoob ed kuartok tan papasooten to ak.

Genesis 39:14

tinawag to ray aripen to tan inkuanto, “Nengneng yo ya! Eekalan itayoy kagalangan na samay Hebreo ya insempet na asawak. Linmoob ed kuartok tan labay to ak ya akdulan, balet inmeyag ak na anggaay nayarian ko.

Mateo 2:1

Nianak si Jesus ed baley na Betlehem ed Judea, nen manooley si Ari Herodes. Ag abayag, sinmabid Jerusalem iray makakabat a totoon nanlapud Bokig.

Mateo 2:7

Si Herodes impaawit ton anggapoy makaamta ira may makakabat a nanlapud Bokig, tan tinepet tod sikara no kapigay inletaw na bitewen.

Mateo 2:17

Diad sayan agawa, asumpal so inkuanen propita Jeremias:

Puyan 12:4

Diad panamegley na ikul to, ginoyur toy kakatloy amin a bitewen ed tawen, insan to ra imbantak ed dalin. Nanalagey imay dragon ed arap to may biin asingger lan mananak, pian nabwag ton tampol so ogaw no kapaway to.