Mateo 2:11 - Maung A Balita Biblia

¹¹ Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Maung a Balita Biblia

¹¹ Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Mateo 2:11 Referans Kwoze

Isaias 60:6

Manlapud Madian tan Efa onsabi ray baleg ya olup na kamilyo. Manlapu rad Seba a sankaawit day balituk tan insinso. Saray totoo ibaga ray maung a balitan nipaakar ed ginawa na Katawan!

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Lucas 2:16

Magangganat iran linma sirin, tan nalmo ray Maria tan si Jose, tan say ogaw ya akarokul ed atotung.

Mateo 2:2

Nantepet-tepet ira, “Iner so kawalaay nianak ya ari da ray Judio? Anengneng mi so bitewen ton linmetaw ed bokig, kanyan linma kami dian mangigalang ed sikato.”

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Saray Salmo 72:15

Andokey komun so bilay na ari! Naitdan komun na balituk a manlapud Arabia; nipikasi komun lawas; nabindisionan komun lawas na Dios!

1 Saray Arari 10:2

Sinmabin kaiba to ray amayamay ya aripen, pati saray kamilyo a napnoy beneg da na saray rikado, alahas, tan balituk. Nen kaarap toy Solomon, intepet to lay amin a nanunotan to.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

Mateo 14:33

Inggalang na saramay walad baloto si Jesus tan kuanda, “Tua a sikay Anak na Dios!”

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

Lucas 2:38

Diad saman ya oras, linmad Timplo tan akisalamat ed Dios, insan nansalitay nipaakar ed kinen Jesus diad amin da ray manaalagar ed panondon na Dios ed Jerusalem.

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.

Levitico 6:15

Alaen toy sankaakup ed samay arinan pinatoroan na larak, tan amin ya insinson walad tapew to, insan poolan to ra ed tapew na altar a pakapatnagan a nibagat lan amin ed Katawan imay arina; makapaliket ed Katawan so balingit na sayan bagat.

Exodo 30:34

Say Katawan kuantod kinen Moises, “Mangala ka na nampaparan karakel na onggendan a masamit a rikado—istakti, onika, galbanum, tan puron olibanum.

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Saray Salmo 45:8

Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

1 Saray Arari 10:10

Insan samay riyna na Seba initdan toy Solomon na ngalngali limaran toniladan balituk tan saray amayamay a rikado tan alahas. Diad amin da ray rikadon naawat nen Solomon ed anggan anton panaon, sankarakelan ira yay inter to. (

Exodo 30:23

“Mangala ka na saray sankaabigan a rikado—anemiran kilo ya onturon mira, taloran kilon ambalingit a kanila, taloran kilon ambalingit a kania,

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Mateo 1:18

Onyay impakaiyanak nen Jesu-Cristo: Si Maria ya ina nen Jesus akisipanan a mikasal ed kinen Jose. Balet kasakbayan na impanamung dan dua, nalmuan a malokun si Maria lapud pakayari na Ispiritu Santo.

Mateo 2:10

Agaylay liket da ed impakanengneng dad samay bitewen!

Mateo 12:46

Mansasalita niy Jesus nen sinmabiy ina to tan saray agagi ton lalaki. Nanalagar irad arapay abung, ta labay dan pitongtongay Jesus.

Juan 19:39

Akila met ed sikato si Nicodemo, samay linman aminsan ed kinen Jesus diad labi. Walay awit ton pabalingit ya impanlauk a mira tan aloe; sakey a limamplon kilo so belat to yan pabalingit.