Mateo 19:8 - Maung A Balita Biblia

⁸ Inkuanen Jesus, “Inyabuloy nen Moises a nayarian yon isiay kaasawaan yo lapud anawet so puso yo. Balet aliwan onyan talaga nen kagapoy mundo.

Maung a Balita Biblia

⁸ Inkuanen Jesus, Inyabuloy nen Moises a nayarian yon isiay kaasawaan yo lapud anawet so puso yo. Balet aliwan onyan talaga nen kagapoy mundo.

Mateo 19:8 Referans Kwoze

Genesis 2:24

Sikato ya sirin so makasengeg no akin et taynan na laki so ama to tan say ina to tan mikasakey ed asawa to, et magmaliw iran saksakey a laman.

Marcos 10:5

Inkuanen Jesus ed sikara, “Anawet so puso yo, kanyan ingganggan nen Moises so ontan.

Zacarias 7:12

Pinaawet dan singa bato so kapusoan da. Mapalaloy impakapasnuk ko lapud ag ira dinmengel ed saray ganggan kon impaibangat kod saray propitan nambibilay nen saman a panaon.

1 CORINTO 7:6

Sakey a panangyabuloy yay ibabagak, aliwan sakey a ganggan.

Mateo 8:31

Kinerew na saray dimonyo ed kinen Jesus, “No paekalen mo kami, ibaki mo kami pa lad saraman a baboy.”

Mateo 3:15

Inmebat si Jesus, “Paolyan mon onyay nagawa natan, ta sikato yay nepeg tan gawaen, pian nagawaay amin a kakaukolan na Dios.” Inmabuloy sirin si Juan.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Genesis 7:7

Sikato tan say asawa to, saray anak ton lalaki tan saray kaasawaan da et linmoob irad biong, pian ag ira ompatey ed delap.

Mateo 19:7

Tinepet na saray Pariseo, “Akin sirin et ingganggan nen Moises ya itdan na laki so asawa to na kasulatay pansiyan insan to isian?”

Mateo 19:9

Kanyan kuankod sikayo: mikaloguray siopaman a lakin mangisian ed asawa to tan mangasaway sananey, no ag milalaki so asawa to.”

Marcos 16:14

Kasumpal to ya, pinmanengneng si Jesus ed saray labinsakey a disipulo legan dan mangakan. Nampasnukan to ra, lapud anawet so puso ra tan ag ira anisia ed saramay akanengneng ed sikato ya inmoli lad bilay.

1 Samuel 25:43

Inasawa nen David si Ahinoam a taga Jezreel, tan natan nagmaliw met ya asawa toy Abigail.