Mateo 19:14 - Maung A Balita Biblia

¹⁴ Inkuanen Jesus, “Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay tawen.”

Maung a Balita Biblia

¹⁴ Inkuanen Jesus, Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay tawen.

Mateo 19:14 Referans Kwoze

Mateo 18:3

tan inkuanto, “Tandaan yo ya! No ag yo pasimbaloey panagbilay yo tan ag yo aligen iray ogogaw, ag kayon balut makaloob ed Panariay tawen.

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

Marcos 10:14

Asanukay Jesus nen anengneng to yan ginawa da ray disipulo to tan kuantod sikara, “Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay Dios.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

1 Samuel 1:11

Si Ana nanggaway sipan a sinambaan to: “Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.”

Saray Huis 13:7

Balet imbaga tod siak a manlokun ak tan mananak ak na sakey a laki. Imbaga to nid siak ya ag ak balut oninom na anton klasiy alak odino mangan na antokaman a kakanen a sebel, lapud legan a mambilay so iyanak ko sikatoy isaklang ed Dios a sakey a Nazareo.”

1 Samuel 2:18

Si ogaw a Samuel intuloy toy nanlingkur ed Katawan, tan akasolung na ipod a linen.

1 Samuel 1:24

Nen apakso to lay ogaw, inyakar tod Silo. Nanawit na taloy taon a bakan kalakyan, sakey salup ya arina, tan sakey a pananginan a katat a napnoy alak. Ogaw ni sirin si Samuel nen inawit nen ina to ed abung na Katawan diad Silo.

Genesis 21:4

Nen waloy agew to, sinegat nen Abraham, onung na ingganggay Dios.

1 Samuel 1:22

Balet ag akila natan si Ana. Inkuantod kinen asawa to, “No apakso lay ogaw, sikato lay pangawit kod abung na Katawan, tan diman lay panayaman to legan a mabilay.”

Mateo 5:3

“Maliket iray mamibirbir na pankaukolan dad maispiritu ran bengatla, ta kayaryan day Panarian na tawen!

Mateo 5:10

“Maliket iray napapairap lapud panusumpal day linawa na Dios, ta kayaryan day Panarian to!

Mateo 19:15

Intatapew to ray lima tod sikara, insan la linma.

Marcos 10:15

Tandaan yo ya! Siopamay ag onabuloy a pasakop ed Panariay Dios a singa sakey ya ogaw, ag balut makaloob ed Panariay Dios.”