Mateo 18:9 - Maung A Balita Biblia

⁹ No say matam so pansengegay pankasalanan mo sokit mo, insan mo ibantak! Magmaung nin onla kad tawen a saksakey so matam, nen say onla kad andi-anggaan ya apoy a nantopag so matam.”

Maung a Balita Biblia

⁹ No say matam so pansengegay pankasalanan mo sokit mo, insan mo ibantak! Magmaung nin onla kad tawen a saksakey so matam, nen say onla kad andianggaan ya apoy a nantopag so matam.

Mateo 18:9 Referans Kwoze

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Mateo 18:8

“Kanyan no say limam o salim so pansengegay pankasalanan mo potut mo, insan mo ibantak! Magmaung nin onla kad bilay a saksakey so limam o salim, nen say onla kad apoy ya andi-anggaan a nantopag so limam tan salim.

Mateo 5:29

No say kawanan a matam so makasengeg na pankakasalanan mo, sokit mo insan mo ibantak! Magmaung nin naekal so sakey a kabyangay; laman mo, nen say nibantak ed impirno so intiron laman mo.

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Saray Hebreo 4:11

Kanyan gawaen tayoy anggaay nayarian tayo a makapampainawa onung na insipay Dios. Ag tayo nepeg ya aligen ira may sinmumlang, kanyan ag ira akaloob.

Marcos 9:47

Sokit moy matam no sikatoy pansengegay pankasalanan mo, ta magmaung nin onloob kad Panariay Dios a bulag so sakey a matam nen say nibantak kad impirnon nantopag so matam.

Mateo 19:17

Inmebat si Jesus, “Akin et tetepetan mo ak no antoy maung? Saksakey labat so maung. No labay mon nagamuray bilay, onur mo ray ganggan.”

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.