Mateo 18:15 - Maung A Balita Biblia

¹⁵ “No mankasalanan ed sika so agim, lakad sikato tan tawag moy imano to. Balet gawam yan anggapoy makaimatun. No dengelen to ka, apapawil moy agim.

Maung a Balita Biblia

¹⁵ No mankasalanan ed sika so agim, lakad sikato tan tawag moy imano to. Balet gawam yan anggapoy makaimatun. No dengelen to ka, apapawil moy agim.

Mateo 18:15 Referans Kwoze

Levitico 19:17

“Ag yo bobosulen so siopaman a too, no ag ingen mipulangan kayod sikato, pian ag kayo mankasalanan lapud sikato.

COLOSAS 3:13

Mantutulongan kayo, tan mampipirdonaan kayo no walay irap na linaway sakey ed sananey. Mampipirdonaan kayo, onung na impamirdonay Katawan ed sikayo.

TAGA GALACIA 6:1

Agagi, no walad sikayoy naplag ed kasalanan, sikayon iwawanwan na Ispiritu so mangagwat ed sikato. Maamuyot a gawaen yo ya, tan manasikaso kayon maung, ta ompan sikayoy natukso met.

2 TESALONICA 3:15

Balet ag yo ipapasen a kalaban, no ag ingen simbawa yon singa agi.

Mateo 18:35

“Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.”

Saray Salmo 141:5

Nayarin dusaen tan pampasnukan ak na maung a too diad panangasi to, balet ag ko abuloyan a pagalangan ak na saray totoon maoges, ta ipipikasik lawas so sumpad maoges iran gawa ra.

Saray Taga Roma 12:21

Ag ka padadaeg ed maoges; nepeg mo ingen a daegey maoges diad panamegley na maung.

1 Pedro 3:1

Ontan met, sikayo ran bibii, paoleyan kayod kaasawaan yo. No walad sikaray ag ni manisiad salitay Dios natanggoyur iran manisia, diad panamegley na maung ya ogali yo. Anggano ag yo la ra paliwawaan,

1 CORINTO 8:12

Lapud saya, mankasalanan kayod Cristo, diad pankakasalanan yod agagi yo, tan diad pandederal yoy konsinsia ran makapoy.

Probirbio 11:30

Bilay so iiter na katonungan, balet eekalen na inkaruksa.

2 CORINTO 7:12

Kanyan anggan ginawak man a sulat, ginawak ya aliwan lapud samay toon nankasalanan o samay toon nankasalananan. Ingen ginawak a pamalinew kod sikayo, diad arap na Dios, na ontan lan panamabli yod sikami.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Mateo 18:14

Ontan met ya ag labay na Ama yod tawen a nabalang so sakey ed sarayan ogogaw.”

Mateo 18:21

Sinmingger ed satan si Pedro ed kinen Jesus tan tinepet to, “Katawan, mamimpigan pirdonaen koy agik ed pankasalanan tod siak? Mamimpito?”

Tito 3:10

Ipolisay moy toon panlalapway pansisian, kasumpal mon banoen a mamidwa.