Mateo 17:12 - Maung A Balita Biblia

¹² Balet kuankod sikayo: Wadya lay Elias, balet ag binirbir na totoo tan ginawa rad sikatoy labalabay da. Ontan met so pamairap dad Anak na Too.”

Maung a Balita Biblia

¹² Balet kuankod sikayo: Wadya lay Elias, balet ag binirbir na totoo tan ginawa rad sikatoy labalabay da. Ontan met so pamairap dad Anak na Too.

Mateo 17:12 Referans Kwoze

Mateo 16:21

Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Juan 1:11

Linmad dilin bansa to, balet ag inawat na saray dilin totoo to.

Lucas 7:33

Sinmabiy Juan a Managbinyag, manaayuno tan ag oniinom na alak, balet kuanyo, ‘Walay dimonyo ed sikato!’

Mateo 21:32

Ta linma diay Juan tan imbangat tod sikayoy maptek a panagbilay, et ag yo sinisia. Balet sinisia na saray sumisingil na buis tan saray marorotak a bibii. Anggaman a naimatunan yo ya, ag kayo nagbabawi tan anisiad sikato.”

Mateo 11:2

Nen walad loob na prisowan si Juan a Managbinyag, nadngelan to ray gawgawa nen Cristo. Kanyan angibakiy Juan na pigaran disipulo to.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Mateo 17:9

Nen onlalasur iran nanlapud palandey binilin ira nen Jesus, “Ag yo ibabalitad siopaman yan naimatunan yo, anggad ag ni inmolid bilay so Anak na Too.”

Mateo 17:11

“Tua ya ononan onsabiy Elias,” kuanen Jesus, “tan pasimbaloen ton amin iray bengatla.

Mateo 17:13

Atalusan da lad saman a si Juan a Managbinyag so labay ton ibaga.

Mateo 17:22

Nen nantitipon iray disipulo ed Galilea, kuanen Jesus ed sikara, “Ngalngali la niawat so Anak na Too ed lima da ray totoo.