Mateo 16:6 - Maung A Balita Biblia

⁶ Inkuanen Jesus ed sikara, “Manalwar kayod libadura na saray Pariseo tan saray Saduseo.”

Maung a Balita Biblia

⁶ Inkuanen Jesus ed sikara, Manalwar kayod libadura na saray Pariseo tan saray Saduseo.

Mateo 16:6 Referans Kwoze

Lucas 12:1

Nen libo-libon totooy nantitipon, a diad karakel da et makapanggagatinan la ra, inkuanen Jesus ya onona ed saray disipulo to, “Manalwar kayod libadura na saray Pariseo, salanti say pansimpisimpitan da.

TAGA GALACIA 5:9

Onung na kuanda, “Napaalsa na daiset a libadura so intiron masa.”

Marcos 8:15

Binilin nen Jesus iray disipulo to, “Manasikaso kayo! Alwaran yoy libadura na saray Pariseo tan say libadura nen Herodes.”

Mateo 16:12

Insan atalusan na saray disipulo ya aliwan samay libaduran ikakanad tinapay so imbaga ton alwaran da, no ag say bangat da ray Pariseo tan saray Saduseo.

Levitico 2:11

Amin a bagat a trigo ya iyapay yod Katawan et ag nepeg a laukan na libadura; ag kayon balut mangikakana na libadura odino dilo ed kakanen ya ibagat ed Katawan.

Lucas 12:15

Insan inkuantod sikaran amin, “Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.”

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Mateo 16:1

Wala ray Pariseo tan Saduseo a sinmingger ed kinen Jesus. Labay dan suboken kanyan kinerew dan manggaway sakey a milagron manlapud tawen.

Mateo 16:5

Nen binmaliw ed dayat iray disipulo, alingwanan day nambalon na tinapay.

Mateo 16:7

Nantotongtongan ya na saray disipulo. Inkuanda, “Imbaga to ya, ta ag itayo nambalon na tinapay.”

Mateo 16:11

Akin sirin et ag yo natalusan ya aliwan nipaakar ed tinapay so labay kon ibaga? Manalwar kayod libadura da ray Pariseo tan saray Saduseo!”

Juan 4:33

Kanyan nantetepetan ira may disipulo, “Wala kasiy angiter na kanen to?”