Mateo 16:17 - Maung A Balita Biblia

¹⁷ Inkuanen Jesus ed sikato, “Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Maung a Balita Biblia

¹⁷ Inkuanen Jesus ed sikato, Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Mateo 16:17 Referans Kwoze

Juan 6:45

Insulat na saray propita, ‘Tan nabangatan iran amin na Dios.’ Ondadagod siak so balang sakey ya onderengel tan manaaral ed Ama.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

TAGA GALACIA 1:16

Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.

1 CORINTO 15:50

Sayay labay kon ibaga, agagi: say walay laman tan dala to, ag to natawir so Panariay Dios, tan say laman a naboluk, ag to natawir so ag naboluk.

TAGA-EFESO 3:5

Nen inmonan panaon, sayan niamut a katwaan et ag akabatay katoowan, balet natan impaamta na Dios, diad panamegley na Ispiritu, ed saray masanton apostol tan saray masanton propita to.

Isaias 54:13

“Siak a dili so mambangat ed saray totoom tan mangiter ed sikara na ontan lan aligwas na bilay.

1 Juan 4:15

Siopamay mangibagan si Jesus et Anak na Dios, manayam so Dios ed sikato tan sikatoy manayam ed Dios.

1 Pedro 5:1

Siak, a sakey a matakken na iglisia, tatawagen koy imano yo, sikayon mamatakken na iglisia. Naimatunan koy impanirap nen Cristo tan minabang ak ed kagalangan a nipaamta. Pikakasik ed sikayo:

TAGA-EFESO 2:8

Ta lapud baleg a panangaroy Dios nilaban kayo la diad panamegley na pananisia. Impangaroy Dios yan kilalaban, ag nanlapud sikayon dili.

Juan 1:42

Insan intagar toy Simon ed kinen Jesus. Ninengneng nen Jesus tan kuanto, “Sikay Simon ya anak nen Juan. Nangaranan ka na Cefas.” (Say ngaran a Cefas, kapara toy ngaran a Pedro.)

Saray Hebreo 2:14

Lapud sarayan anak et totoo ran walay laman tan dala, si Jesus et nagmaliw a too a singa sikara. Ginawa to ya pian diad panamegley na impatey to, naderal toy Diablo a walay pakayari tod patey.

TAGA-EFESO 6:12

Ta saray kalaban tayo et aliwa ran totoo, no ag ingen saray maoges ya ispiritual a pakayari ed mangatatawen a mundo, saray manoley, saray walay pakayari, tan saray panguloy mundo ed sayan ambilonget a panaon.

Lucas 22:32

Balet Simon, impikasi ta kan ag naandiy pananisiam. No pinmawil lay pananisiam ed siak, pabiskeg moy linawa da ray agagim.”