Mateo 15:33 - Maung A Balita Biblia

³³ Tinepet na saray disipulo, “Iner ed sayan kalawakan so napangalaan tayo na ondugan ipakan ed ontan lan karakel na totoo?”

Maung a Balita Biblia

³³ Tinepet na saray disipulo, Iner ed sayan kalawakan so napangalaan tayo na ondugan ipakan ed ontan lan karakel na totoo?

Mateo 15:33 Referans Kwoze

Lucas 9:13

Balet inkuanen Jesus ed sikara, “Sikayo ingey mangiter na kanen da.” Inmebat ira, “Anggapoy kanen tayo no ag labat limaran tinapay tan duaran sira. Say labay mon ibaga, onla kamin manaliw na kanen da ra yan amin a totoo?”

Marcos 6:37

Inmebat si Jesus, “Sikayo ingey mangiter na kanen da.” “Say labay mon ibaga,” kuanda, “onla kamin manaliw na tinapay a mambili na duan lasus a dinario ya iter min kanen da?”

Mateo 14:15

Nen onngangarem la, inmasingger iray disipulo to tan kuanda, “Arawid kaabungan yan pasen, insan onseselek lay agew ni met. Ibakim la ray totoo, ta manaliw iray kanen da diad kaliber-liber iran bario.”

Mateo 15:32

Tinawag nen Jesus iray disipulo to tan inkuanto, “Nakakasian ko ra yan totoo, ta taloy agew lan kaibak ira, et anggapoy naakan da. Ag ko met labay iran pasempeten a narasan, ta ompan naelew irad dalan.”

Mateo 15:34

“Pigaray tinapay yo?” tinepet nen Jesus ed saray disipulo. “Pitora, tan walay pigaran ankelag a sira,” ebat da.