Mateo 15:18 - Maung A Balita Biblia

¹⁸ Balet saray ompaway ed sangiy too et manlapud puso to, tan sikara yay mandotak ed sikato.

Maung a Balita Biblia

¹⁸ Balet saray ompaway ed sangiy too et manlapud puso to, tan sikara yay mandotak ed sikato.

Mateo 15:18 Referans Kwoze

Probirbio 15:28

Saray maung a totoo mannununot ira kasakbayan iran onebat. Saray totoon maoges bengat-bengat iran onebat, balet panlalapwan ya na golo.

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Mateo 15:11

Aliwan say onloob no ag say ompaway ed sangiy too so mandotak ed sikato.”

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Probirbio 10:32

Saray totoon matonung amta ray salitan marakep ya ibalikas, balet saray totoon maoges ansakit a salita so lawas ibabalikas da.

Probirbio 6:12

Onlan manliber-liber a mantila iray totoon maoges tan andi-kana.

Lucas 19:22

Inkuanto may amo, ‘Maoges kan katulong! Say salitam a dili so panintinsiaan kod sika! Amtam manaya a mapeget ak. Amtam manaya ya aalaen koy ag ko kayaryan, tan aanien koy ag ko intanem.

Saray Salmo 36:3

Maoges iray salita to tan tila ran amin; ag to la manggagawa na ontokuy ed kakabatan tan kamaungan.

1 Samuel 24:13

Onung na inkuay sakey a daan a balikas, ‘Saray maoges a totoo labat so manggaway kaogsan.’ Kanyan ag ta ka pasakitan.

Probirbio 4:23

Alwaran moy panagnunot mo; say panagnunot mo so mangooksuy na bilay mo.

Mateo 15:17

Ag yo ta amta a say onloob ed sangiy too et onlad eges to, insan ompaway met lamlamang?

Marcos 7:20

Impatombuk to ni, “Say mandotak ed too say ompaway a manlapud sikato.