Mateo 14:31 - Maung A Balita Biblia

³¹ Siningkat nen Jesus a tampol si Pedro tan inkuanto, “Melmelag so pananisiam! Akin et nanduaruwa ka sirin a?”

Maung a Balita Biblia

³¹ Siningkat nen Jesus a tampol si Pedro tan inkuanto, Melmelag so pananisiam! Akin et nanduaruwa ka sirin a?

Mateo 14:31 Referans Kwoze

Saray Salmo 138:7

Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Mateo 17:20

Inmebat si Jesus, “On, ta kulang so pananisia yo. Tandaan yo ya! No walay pananisia yon anggan singa kamelag na bokel na mustasa, nayarian yon ibagad sayan palandey ya onalis, et onalis a tua. Anggapoy ag yo nagawaan!”

Marcos 5:41

Binembenan tod lima tan inkuanto, “Talitha, koum,” a say labay ton ibaga, “Ining, ibabagak ed sika, bangon ka!”

Marcos 1:31

Dinago nen Jesus ed dinokulan to, binembenan tod lima, insan inibaan ton binmangon. Nakal so petang to, tan nansirbid sikara.

Mateo 16:8

Amta nen Jesus so pantotongtongan da, kanyan tinepet to, “Akin et pantotongtongan yoy ag yo impanbalon na tinapay? Makapoy so pananisia yo!

Isaias 63:12

Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to?” Diad panangiwanwan na Katawan, singa ra kabayod katakelan ya ag balut natumba.

Saray Gawgawa 4:30

Iyonat moy limam a mamaabig, tan iyabuloy mon nagawa ray milagro tan pakelaw ed ngaran nen Jesus a masanton Aripen mo.”

Lucas 24:34

tan inkuanda, “Talagan inmolid bilay so Katawan! Nampanengneng ed kinen Simon!”

Marcos 16:7

Laka yod kinen Pedro tan saray arum a disipulo tan ikuanyo: ‘Onona nen sikayo si Jesus ya onlad Galilea tan diman yo nanengneng, onung na imbaga tod sikayo!”

Marcos 11:23

nayarian yon ibagad sayan palandey, ‘Alis kad tan, tabuy kad dayat,’ et gawaen na Dios so ontan, no ag manduaruway puso yo tan manisia kayon nagawa.

Marcos 1:41

Akasian nen Jesus kanyan inyonat toy lima to, diniwit to, tan inkuanto, “Labay ko. Abig ka la!”

Mateo 6:30

No say Dios so mangakawes ed saray karikaad kaalogan, a mabilay ira natan tan napoolan la ra nabwas, ag lalo kasin kawesan to kayo? Agaylay kapoy na pananisia yo!

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

1 Timoteo 2:8

Labay kon saray lalakid inerman a pasen et mampikasi ra, saray lalakin matoor ed Dios, anggapoy iirapen day linawa tan anggapoy kakolkol da.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

Mateo 14:30

Balet nen alikas toy maksil a dagem, ataktakot tan nankalkalnan onlelereg. “Ilaban mo ak, Katawan!” iningal to.

Mateo 14:32

Linmogan iran duad baloto, tan tinmonday maksil a dagem.

Marcos 4:40

Kayari to man, kuanen Jesus ed sikara, “Akin et agaylay takot yo? Anggapo ta niy pananisia yo?”