Mateo 14:29 - Maung A Balita Biblia

²⁹ “Gala dia,” ebat nen Jesus. Kanyan linmeksab si Pedro ed danum, tan ginapoan toy manakar a mamaarap ed kinen Jesus.

Maung a Balita Biblia

²⁹ Gala dia, ebat nen Jesus. Kanyan linmeksab si Pedro ed danum, tan ginapoan toy manakar a mamaarap ed kinen Jesus.

Mateo 14:29 Referans Kwoze

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Marcos 9:23

Inkuanen Jesus, “On, no sikan dili et nayarian mo! Siopamay manisia, nayarian ton gawaey amin a bengatla.”

Saray Gawgawa 3:16

Say pakayariy ngaran nen Jesus so angiter na biskeg ed sayan laki. Agawa ya lapud pananisia ed ngaran to. Say pananisia ed kinen Jesus so amaabig ed sikato, onung na nanenengneng tan kabat yo.

Lucas 17:6

Inmebat so Katawan, “No walay pananisia yon singa kabaleg no bokel na mustasa, nibaga yod sayan kiew a sikomoro, ‘Nabagut ka komun tan nitanem kad dayat!’ et onuren to kayo.”

Saray Taga Roma 4:19

Anggaman a ngalngali lan sanlasus so taon to, dokung-dokung la, tan lepes si Sara ya asawa to, ag kinmapoy so pananisia to diad impannunot tod saraya.

Mateo 21:21

Inmebat si Jesus, “Tandaan yo ya! No manisia kayo tan anggapoy duaruwa yo, nayarian yon gawaen so ginawak ed sayan igos. Aliwan satan labat, nayarian yo nin ibagad sayan palandey, ‘Alis kad tan, tabuy kad dayat,’ et nagaway imbaga yo.

Mateo 17:20

Inmebat si Jesus, “On, ta kulang so pananisia yo. Tandaan yo ya! No walay pananisia yon anggan singa kamelag na bokel na mustasa, nayarian yon ibagad sayan palandey ya onalis, et onalis a tua. Anggapoy ag yo nagawaan!”

Mateo 14:28

Inkuanen Pedro, “Katawan, no tuan sika, parago mo ak a manakar ed tapew na danum.”

Mateo 14:30

Balet nen alikas toy maksil a dagem, ataktakot tan nankalkalnan onlelereg. “Ilaban mo ak, Katawan!” iningal to.