Mateo 14:25 - Maung A Balita Biblia

²⁵ Nen palbangon, dinmagod sikara si Jesus a manaakar ed tapew na danum.

Maung a Balita Biblia

²⁵ Nen palbangon, dinmagod sikara si Jesus a manaakar ed tapew na danum.

Mateo 14:25 Referans Kwoze

Say Libro nen Job 9:8

Anggapoy tinmulong ed Dios diad impangipanat tod katawenan odino diad impanggatin-gatin tod dragon na dayat.

Juan 6:19

Nen akapansakay iray limara o anemiran kilomitro, anengneng day Jesus a manaakar ed tapew na danum tan onaasingger ed baloto, et ataktakot ira.

Marcos 6:48

Anengneng ton naiirapan a mansasakay iray disipulo to, ta susubaen day dagem. Nen palbangon la, tinombuk ira nen Jesus a nanakar ed tapew na danum. Labsanan to ra lawari,

Mateo 24:43

Tandaan yo ya! No amta komun na makanabung so isabiy matakew, ag onogip pian ag makaloob so matakew ed abung to.

Lucas 12:38

Alay liket da no anggan pegley-labi o palbangon so isabi to et sipaparaan ira!

Saray Salmo 104:3

tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

Puyan 10:5

Insan samay anghil, ya anengneng kon manalalagey ed dayat tan dalin, intagey tod tawen so kawanan a lima to,

Puyan 10:2

Sankabembenan toy melag a babasaen ya akalokas. Intoon tod dayat so kawanan a sali to, tan diad dalin so kawigin sali to.

Puyan 10:8

Insan nadngel ko lamet imay bosis a nansalitan nanlapud tawen. Inkuantod siak, “Laka, ta alam so akalokas a babasaen a sankabembenan to may anghil a manalalagey ed dayat tan dalin.”

Marcos 13:35

Sipaparaan kayo komun sirin, ta ag yo amtay isabi na akanabung. Nayarin onsabi no atapew ni so labi, o no pegley labi, o no palbangon, o no ngalngali lan ompaway so agew.