Mateo 13:47 - Maung A Balita Biblia

⁴⁷ “Say Panariay tawen aliling to met so baleg ya iket ya impelag ed dayat tan akala na amin a klasiy sira.

Maung a Balita Biblia

⁴⁷ Say Panariay tawen aliling to met so baleg ya iket ya impelag ed dayat tan akala na amin a klasiy sira.

Mateo 13:47 Referans Kwoze

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

Puyan 3:1

“Isulat mod anghil na iglisia ed Sardis: “Sikato yay ibabaga na walad sikatoy pitoran ispiritu na Dios tan saray pitoran bitewen. Amtak so gagawaen mo; amtak ya ipapasen da kan mabilay anggaman ya inatey ka!

Marcos 1:17

Inkuanen Jesus ed sikara, “Tombuk kayod siak, ta gawaen ta kayon sumisigay na too.”

TAGA GALACIA 2:4

Balet talagan labay a pasegat lawari na saray arum a totoon mankonkuanan ya agagi tan akilimuglimug irad sikami, pian nasiim day kawayangan ya inter nen Cristo Jesus ed sikami. Labay dan paaripen kami,

2 CORINTO 11:26

Diad mabetbet kon pambiabiahi, dinmadalan ak ed kaatapan diad saray delap, diad saray matatakew, diad saray kaparan Judio, tan diad saray Hintil; dinmadalan ak met diad saray kaatapan ed saray siudad, kalawakan, dayat, tan diad saray tila-tilan kakaaro.

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

Lucas 5:10

Ontan met a nikelawan ira may kakaiba to, a di Santiago tan Juan ya anak nen Zebedeo. Inkuanen Jesus ed kinen Simon, “Ag ka natatakot. Manlapud natan, magmaliw kan sumisigay na too.”

Mateo 4:19

Inkuanen Jesus ed sikara, “Tombuk kayod siak, ta gawaen ta kayon sumisigay na too.”

1 CORINTO 11:19

(Nakaukolan a naapag-apag kayo, pian naamtaan no siopad sikayoy walad kaptekan.)

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

Ezekiel 47:10

Manlapud Sobul na En-gadi ya anggad Sobul na En-eglaim, wala ray sumisigay ed gilig na dayat, tan ipanat dad man ya ipamaga iray iket da. Walad man iray amayamay a nandoroman klasiy sira a singa diad Dayat a Mediteraneo.

Mateo 13:44

“Say Panariay tawen aliling toy kayamanan a nikotkot ed alog. Nalmoy sakey a too, balet tinabunan to ni. Diad liket to, inlako ton amin iray kayaryan to, insan pinawil tan sinaliw to may alog.”

Mateo 13:46

Nen akalmoy pirlas a mabmabli, inlako ton amiy kayaryan to tan sinaliw to may pirlas.”

Mateo 13:48

Nen napno la, ginoyur na saray sumisigay ed gilig na dayat. Inmirung ira tan impambibiigan da ra may sira, inkarga rad tiklis iray maung tan imbantak da ray makapoy.