Mateo 13:44 - Maung A Balita Biblia

⁴⁴ “Say Panariay tawen aliling toy kayamanan a nikotkot ed alog. Nalmoy sakey a too, balet tinabunan to ni. Diad liket to, inlako ton amin iray kayaryan to, insan pinawil tan sinaliw to may alog.”

Maung a Balita Biblia

⁴⁴ Say Panariay tawen aliling toy kayamanan a nikotkot ed alog. Nalmoy sakey a too, balet tinabunan to ni. Diad liket to, inlako ton amin iray kayaryan to, insan pinawil tan sinaliw to may alog.

Mateo 13:44 Referans Kwoze

COLOSAS 2:3

Sikato so akaiyamutay amin a kayamanay kakabatan tan pakatalus.

Lucas 14:33

Ontan met sirin, anggapoy nayarid sikayon magmaliw a disipulok no ag to ikaindan iray amin a kayaryan tod sayan bilay.”

Mateo 6:21

Ta no iner so kawalaay kayamanan mo, diman met so kawalaay pusom.”

Mateo 19:29

Tan siopamay taynan toy abung, saray agagin lalaki o bibii, say ama o ina, saray anak, o saray dalin lapud siak—sikatoy natumangan a maminlasus tan tawiren toy bilay ya andi-anggaan.

Probirbio 16:16

Maung nin amimpiga so nawalaan na kakabatan tan pakaamta nen say nawalaan na balituk tan pilak.

Probirbio 23:23

Say katwaan, say kakabatan, say bilin, tan say pakatalus et manepeg iran panggastosan; mabmabli ra kanyan ag mo ra ilalako.

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.

Mateo 19:27

Nansalitay Pedro, “Ag mo lilingwanan a tinaynan miy amin a bengatla tan tinmombuk kamid sika. Antoy nitumang ed sikami?”

Mateo 19:21

Inkuanen Jesus ed sikato, “No talagan labay mon anggapoy kakulangan mo, ilakom ya amin so kayaryan mo, insan mo iter so panlakoan mo ed saray mairap-bilay. Nawalaan kad satan na kayamanan ed tawen. Insan ka dia ompawil ya ontombuk ed siak.”

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Saray Taga Roma 15:4

Amin a walad Masanton Sulat insulat ira a pakaaralan tayo, et diad ontan nawalaan itayoy ilalo diad panamegley na anos tan biskeg na linawa ya iter na Masanton Sulat ed sikatayo.

Mateo 13:24

Wala niy alimbawan imbaga nen Jesus ed sikara: “Say Panariay tawen alimbawa toy sakey a lakin nampasek na maung iran bokel ed dalin to.

Saray Hebreo 10:34

Kinakasian yo ray apriso, tan inako yon sililiket so impangaala da ray kagawaan yo, ta amta yon magmaung ni tan mansiansian anggad angga so kayamanan ya atilak ed sikayo.

Juan 6:35

Inkuanen Jesus, “Siak so tinapay na bilay. Ag lan balut naerasan so siopaman ya ondagod siak, tan ag lan balut naapgaan so manisiad siak.

Probirbio 17:16

Anggapoy kakanaan na panggastos na makulang-kulang ed pakagamur toy aral, ta ag to ikakanay olo to.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

Probirbio 18:1

Saray totoon ag da amtay miolup ed kapara ran totoo et say pankaabigan da labat so nununoten da; sumpaen day ipapasen a maptek na amin a totoo.

Say Libro nen Job 28:13

Ag narumog ed saray totoo so kakabatan; Anggapoy makaamta na petepeteg a kablian to.

Mateo 13:46

Nen akalmoy pirlas a mabmabli, inlako ton amiy kayaryan to tan sinaliw to may pirlas.”

Mateo 13:47

“Say Panariay tawen aliling to met so baleg ya iket ya impelag ed dayat tan akala na amin a klasiy sira.